ന്യൂഡല്ഹി:പഞ്ചാബിലെ ഇന്ത്യ - പാക് അതിര്ത്തിയില് ഡ്രോണ് വെടിവച്ചിട്ട് ബിഎസ്എഫ്ഉദ്യോഗസ്ഥര്. ഫിറോസ്പുര് സെക്ടറിലെ വാന് അതിര്ത്തിയിലാണ് ചൈനീസ് നിര്മ്മിത ഡ്രോണ് ദൃശ്യമായത്. അന്താരാഷ്ട്ര അതിര്ത്തിയില് നിന്ന് 300 മീറ്ററും അതിര്ത്തി വേലിയില് നിന്ന് 150 മീറ്ററും അകലെ വച്ചാണ് കറുത്ത നിറമുള്ള ഡ്രോണ് ബിഎസ്എഫ് വെടിവച്ചിട്ടത്. നാല് പവര് ബാറ്ററികളുള്ള ഈ ഡ്രോണിന് ഏകദേശം 23 കിലോഗ്രാം ഭാരവും ഏകദേശം 10 കിലോ വഹിക്കാനും കഴിയും.
അതെ സമയം മറ്റു വസ്തുക്കളൊന്നും ഡ്രോണില് നിന്നും കണ്ടെത്തിയില്ല. സംഭവസ്ഥലത്ത് തെരച്ചില് നടത്തിവരികയാണെന്ന് ബിഎസ്എഫ് അറിയിച്ചു. നേരത്തെ, പാക്കിസ്ഥാനില് നിന്നും അയച്ച രണ്ട് ഡ്രോണുകള് അതിര്ത്തി രക്ഷാസേന വെടിവച്ചിട്ടിരുന്നു.