ന്യൂഡല്ഹി: കേരളത്തില് നടത്തിയ സെറോ സര്വേയില് 46% ആളുകളുടെയും ശരീരത്തില് ആന്റിബോഡി കണ്ടെത്തിയിതിനെ തുടര്ന്ന് ഒക്ടോബര് തുടക്കത്തോടെ കേരളത്തിലെ കോവിഡ് കേസുകളില് ഗണ്യമായ കുറവുണ്ടാകുമെന്ന് മെഡിക്കല് രംഗത്തെ വിദഗ്ധര് അഭിപ്രായപെട്ടു.
കൂടാതെ സെപ്റ്റംബര് തുടക്കത്തില് ദിനംപ്രതി 30,000ത്തിലധികം കേസുകള് രേഖപെടുത്തിയിരുന്നതില് നിന്ന് നിലവിലെ കണക്കുകള് നേര്പകുതിയായി കുറഞ്ഞ സാഹചര്യവും കണക്കിലെടുത്തപ്പോല് ഓള് ഇന്ത്യ ഇന്സ്റ്റിറ്റ്യൂട്ട് ഓഫ് മെഡിക്കല് സയന്സ്(എയിംസ്) പ്രഫസര് ഡോ. സഞ്ജയ് റായിയും കേരളത്തിലെ കോവിഡ് കേസുകള് കുറയുമെന്നു ചൂണ്ടിക്കാട്ടി. അതിനാല് തന്നെ രോഗവ്യാപനത്തിന്റെ തീവ്രത ഏറെക്കുറെ കടന്നുപോയതായും അടുത്ത ഏതാനും ആഴ്ചകള്ക്കുള്ളില് കേസുകളില് ഗണ്യമായ കുറവു വരുന്നതായും അനുമാനിക്കാം എന്നും വിദഗ്ധര് പറയുന്നു.