ന്യൂഡല്ഹി: കോവിഡ് മഹാമാരിയെ തുടര്ന്ന് സ്കൂളുകള് അടച്ചിടുന്നത് നീതീകരിക്കാനാവില്ലെന്ന് ലോകബാങ്ക്. ഇനിയും തരംഗങ്ങള് ഉണ്ടായാലും സ്കൂളുകള് അടക്കുന്നത് അവസാന മാര്ഗമായിരിക്കണമെന്നും ലോകബാങ്കിന്റെ ആഗോള വിദ്യാഭ്യാസ ഡയറക്ടര് ജെയ്മി സാവേദ്ര പറഞ്ഞു.
”കോവിഡ് വ്യാപനത്തിനും സ്കൂളുകള് തുറന്നതിനും തമ്മില് ബന്ധമില്ല. ഇവ രണ്ടും ബന്ധിപ്പിക്കുന്നതിന് തെളിവില്ല. അതുകൊണ്ടുതന്നെ അടച്ചിടുന്നതില് നീതീകരണമില്ല. പുതിയ തരംഗങ്ങള് ഉണ്ടാവുകയാണെങ്കിലും സ്കൂള് പൂട്ടുകയെന്നത് അവസാന നടപടിയായിരിക്കണം. ഭക്ഷണശാലകളും ബാറുകളും മാളുകളും തുറന്നിടുകയും സ്കൂള് അടച്ചിടുകയും ചെയ്യുന്നതില് യുക്തിയില്ല” -ജെയ്മി സാവേദ്ര പറഞ്ഞു.