![“Manju”](https://santhigirinews.org/wp-content/uploads/2020/04/YOUTUBE.jpg")
മെൽബൺ: 2021 സീസണിൽ ഓസ്‌ട്രേലിയൻ ഓപ്പണിന് വെല്ലുവിളിയായി കൊറോണ രോഗബാധ. അടുത്ത മാസം എട്ടാം തീയതിയാണ് ഓസ്‌ട്രേലിയൻ ഓപ്പൺ ആരംഭിക്കുന്നത്. മെൽബണിലെത്തി ക്വാറന്റൈൻ സംവിധാനത്തിൽ കഴിയുന്ന രണ്ട് താരങ്ങൾക്കാണ് കൊറോണ സ്ഥിരീകരിച്ചത്. ആകെ 1200 പേരാണ് ഓസ്‌ട്രേലിയൻ ഓപ്പണിനായി മെൽബണിലെത്തുന്നത്. ഇതിൽ ടെന്നീസ് കായിക താരങ്ങൾ പരിശീലകർ, ചെയർ അമ്പയർമാർ, മറ്റ് സാങ്കേതിക വിദഗ്ധർ എന്നിവരും ഉൾപ്പെടും.
താരങ്ങൾ പലരും ഹോട്ടൽ മുറിയിൽ അടച്ചിരിക്കേണ്ടി വരുന്ന വിഷമത്തിലാണ്. എന്നാൽ ഓസ്‌ട്രേലിയയിലെ ക്വാറന്റൈൻ വ്യവസ്ഥകൾ കർശനമായതിനാൽ സമയപരിധി തെറ്റിക്കാനാവില്ലെന്ന് സംഘാടകർ അറിയിച്ചു. ഇതിനിടെ മെൽബൺ പ്രദേശവാസികളും കൊറോണ രോഗബാധയ്ക്കിടെ ടൂർണ്ണമെന്റ് നടത്തുന്നതിലുള്ള എതിർപ്പും പ്രകടിപ്പിച്ചിട്ടുണ്ട്.
