Sports
മെസ്സിയുടെ ഹീറോയിസം, പ്രശംസിച്ച് കൂമാൻ!
ഇന്നലെ ലാലിഗയിൽ നടന്ന മത്സരത്തിൽ എഫ്സി ബാഴ്സലോണ റയൽ ബെറ്റിസിനെ കീഴടക്കിയിരുന്നു. രണ്ടിനെതിരെ മൂന്ന് ഗോളുകൾക്കായിരുന്നു ബാഴ്സ വിജയം സ്വന്തമാക്കിയത്. മത്സരത്തിൽ ഒരു ഗോളിന് പിറകിൽ നിന്ന ബാഴ്സയെ രക്ഷിച്ചത് മെസ്സിയായിരുന്നു. പകരക്കാരനായി ഇറങ്ങിയ മെസ്സി കേവലം രണ്ട് മിനുട്ടുകൾക്കകം ബാഴ്സ സമനില ഗോൾനേടികൊടുക്കുകയായിരുന്നു. പിന്നീട് ബാഴ്സ നേടിയ ഗോളുകളിലും പങ്ക് വഹിക്കാൻ മെസ്സിക്ക് സാധിച്ചു. ഇപ്പോഴിതാ മെസ്സിയുടെ ഈ ഹീറോയിസത്തെ പുകഴ്ത്തിയിരിക്കുകയാണ് പരിശീലകൻ റൊണാൾഡ് കൂമാൻ. മത്സരത്തെ മാറ്റിമറിക്കാൻ മെസ്സിക്ക് കഴിഞ്ഞു എന്നാണ് കൂമാൻ മത്സരശേഷം അറിയിച്ചത്.