മസ്കത്ത്: ഏഷ്യ കപ്പ് വനിത ഹോക്കി ടൂര്ണമെന്റില് നിലവിലെ ചാമ്പ്യന്മാരായ ഇന്ത്യ പുറത്ത്. സുല്ത്താന് ഖാബൂസ് സ്പോര്ട്സ് കോംപ്ലക്സില് നടന്ന ആദ്യ സെമിയില് രണ്ടിനെതിരെ മൂന്നു ഗോളുകള്ക്കാണ് ദക്ഷിണ കൊറിയയോട് പൊരുതി തോറ്റത്. ഇയുന്ബി ചെറോണ്, സിയുങ് ജു ലീ, ഹെയ്ജിന് ചോ എന്നിവര് ദക്ഷിണ കൊറിയക്കായി ഗോള് നേടി. നേഹ, ലാല്റെംസി എന്നിവരായിരുന്നു ഇന്ത്യക്കായി ലക്ഷ്യം കണ്ടത്.
രണ്ടാം സെമിഫൈനലില് ജപ്പാന് ചൈനയെ പരാജയപ്പെടുത്തി. വെള്ളിയാഴ്ച നടക്കുന്ന ഫൈനലില് ജപ്പാന് ദക്ഷിണ കൊറിയയെയും മൂന്നാം സ്ഥാനത്തിനായുള്ള മത്സരത്തില് ഇന്ത്യ-ചൈനയെയും നേരിടും. കോവിഡ് നിയന്ത്രണത്തെ തുടര്ന്ന് ആളൊഴിഞ്ഞ ഗാലറിക്ക് മുന്നിലായിരുന്നു മത്സരങ്ങള് നടന്നത്.