മേക്ക് ഇൻ ഇന്ത്യ; പ്രതിരോധ രംഗത്ത് കൈകോർത്ത് ഇന്ത്യയും ഇസ്രായേലും

ന്യൂഡൽഹി : പ്രതിരോധ മേഖലയിൽ കൈകോർത്ത് ഇന്ത്യയും ഇസ്രായേലും. മീഡിയം റേഞ്ചിലുള്ള ഉപരിതല- ഭൂതല മിസൈൽ സംവിധാനം നിർമ്മിക്കുന്നതിനുള്ള സാമഗ്രികൾ ഇസ്രായേൽ ഇന്ത്യൻ കരസേനയ്ക്കും വ്യോമസേനയ്ക്കും കൈമാറി. സാമഗ്രികൾ അടങ്ങിയ ആയിരം കിറ്റുകളാണ് കൈമാറിയത്.

കഴിഞ്ഞ മൂന്ന് ദശകങ്ങളായി ഇന്ത്യൻ സേനകളുമായി പങ്കാളിത്തമുണ്ടെന്ന് റഫേൽ ഡിഫൻസ് സിസ്റ്റം മിസൈൽ വിഭാഗം മേധാവി ബ്രിഗേഡിയർ. ജനറൽ പിനാസ് യുംഗ്മാൻ പറഞ്ഞു. മേക്ക് ഇൻ ഇന്ത്യയ്ക്കായുള്ള തങ്ങളുടെ പ്രതിബദ്ധതയ്ക്കുള്ള മികച്ച തെളിവാണ് മിസൈൽ കിറ്റുകൾ. കിറ്റുകളുടെ നിർമ്മാണത്തിലൂടെ സൈന്യത്തെ സഹായിക്കുക മാത്രമല്ല, മറിച്ച് പ്രതിരോധ ഉത്പന്നങ്ങളുടെ കയറ്റുമതിയെന്ന ഇന്ത്യയുടെ ലക്ഷ്യത്തെ സഹായിക്കുക കൂടിയാണെന്നും  അദ്ദേഹം പറഞ്ഞു.