ന്യൂഡല്ഹി: ബിജെപി ദേശീയ അധ്യക്ഷന് ജെ.പി. നഡ്ഡയ്ക്ക് കോവിഡ് സ്ഥിരീകരിച്ചു. രോഗം സ്ഥിരീരകരിച്ച വിവരം അദ്ദേഹം സാമൂഹ്യ മാധ്യമങ്ങളിലൂടെ അറിയിച്ചു. രോഗലക്ഷണങ്ങള് അനുഭവപ്പെട്ടതിനെത്തുടര്ന്നു നടത്തിയ പരിശോധയനിലാണ് കോവിഡ് സ്ഥിരീകരിച്ചത്.
അദ്ദേഹം നിലവില് വീട്ടില് നിരീക്ഷണത്തിലാണ്. തന്റെ ആരോഗ്യനില തൃപ്തികരമാണെന്നും അദ്ദേഹം വ്യക്തമാക്കി. കഴിഞ്ഞ ദിവസങ്ങളില് തന്നോട് അടുത്തിടപഴകിയവര് സ്വയം നിരീക്ഷണത്തില് പോകണമെന്ന് നഡ്ഡ അഭ്യര്ഥിച്ചു.
കഴിഞ്ഞ ദിവസങ്ങളില് പശ്ചിമ ബംഗാളില് ഉള്പ്പെടെ നിരവധി പാര്ട്ടി പരിപാടികളില് ജെ.പി. നഡ്ഡ പങ്കെടുത്തിരുന്നു. ബംഗാളില് നഡ്ഡയുടെ വാഹന വ്യൂഹത്തിനു നേരെ ആക്രമണം ഉണ്ടായ സംഭവത്തില് കേന്ദ്ര ആഭ്യന്തര മന്ത്രാലയം സംസ്ഥാന ചീഫ് സെക്രട്ടറിയോടും ഡിജിപിയോടും ഹാജരാകണമെന്ന് ആവശ്യപ്പെട്ടിട്ടുണ്ട്.