ന്യൂഡല്ഹി: യൂറോപ്പില് വീശിയടിച്ച യൂനിസ് കൊടുങ്കാറ്റിനിടെ യാത്രക്കാരുമായി ലണ്ടനിലെ ഹീത്രു വിമാനത്താവളത്തിലിറങ്ങിയ എയര് ഇന്ത്യ വിമാനം സമൂഹമാധ്യമങ്ങളില് ചര്ച്ചയാവുന്നു. പ്രതികല സാഹചര്യത്തില് എയര്ഇന്ത്യ പൈലറ്റിന്റെ മനോധൈര്യവും യാത്രക്കാരോടുളള കരുതലുമാണ് ചര്ച്ചയാവുന്നത്. വിമാനത്തിന് സുരക്ഷിതമായി ഇറങ്ങാന് സാധിക്കുമോയെന്ന ആശങ്ക കൃത്യമായി പങ്കുവയ്ക്കുന്നതാണ് സമൂഹമാധ്യമങ്ങളില് വൈറലായിരിക്കുന്ന വീഡിയോ.
വടക്ക് പടിഞ്ഞാറന് യൂറോപ്പിനെ വളരെ സാരമായി ബാധിച്ചിരിക്കുകയാണ് യൂനിസ് കൊടുങ്കാറ്റ്. മേഖലയിലേക്കുള്ള നൂറ് കണക്കിന് വിമാന സര്വ്വീസുകളാണ് കനത്ത കാറ്റിനേത്തുടര്ന്ന് റദ്ദാക്കിയത്. ഇതിനിടയ്ക്കാണ് എയര് ഇന്ത്യയുടെ സുരക്ഷിത ലാന്ഡിംഗ് ചര്ച്ചയാവുന്നത്. എയര് ഇന്ത്യ വിമാനം സുരക്ഷിതമായി ലാന്ഡ് ചെയ്യുന്ന ദൃശ്യങ്ങള് ആയിരക്കണക്കിന് പേരാണ് ലൈവായി ദൃശ്യങ്ങള് കണ്ടത്.