ഡല്ഹി; രാജ്യത്ത് കോവിഡ് വാക്സിന് ബൂസ്റ്റര് ഡോസ് എല്ലാവര്ക്കും നല്കുന്നത് പരിഗണനയില്. നിലവില് കോവിഡ് മുന്നണി പ്രവര്ത്തകര്ക്കും 60 വയസ്സിന് മുകളില് പ്രായമായവര്ക്കും മാത്രമാണ് ബൂസ്റ്റര് ഡോസ് നല്കുന്നത്. സ്വകാര്യ ആശുപത്രികളില് പണം നല്കിയാലും ഈ വിഭാഗത്തിനു മാത്രമേ ബൂസ്റ്റര് ഡോസ് ലഭിക്കൂ. മറ്റ് മുതിര്ന്നവര്ക്ക് സൌജന്യമായി ബൂസ്റ്റര് ഡോസ് നല്കണോ എന്ന കാര്യത്തില് സര്ക്കാര് തലത്തില് ചര്ച്ച നടത്തുകയാണെന്ന് എന്ഡിടിവി റിപ്പോര്ട്ട് ചെയ്തു.
ഏഷ്യയിലെയും യൂറോപ്പിലെയും ചില ഭാഗങ്ങളില് വീണ്ടും കോവിഡ് വ്യാപനം രൂക്ഷമാവുകയാണ്. ചൈന, ഇറ്റലി തുടങ്ങിയ രാജ്യങ്ങളില് അടുത്തിടെ കോവിഡ് കേസുകളുടെ എണ്ണം വര്ധിച്ചിട്ടുണ്ട്. അതേസമയം നിലവില് ഇന്ത്യയിലെ കോവിഡ് ബാധ ഒരു വര്ഷത്തെ ഏറ്റവും താഴ്ന്ന നിലയിലെത്തി. കഴിഞ്ഞ 24 മണിക്കൂറിനുള്ളില് 1,549 പുതിയ കേസുകളും 31 മരണങ്ങളുമാണ് റിപ്പോര്ട്ട് ചെയ്തത്. രാജ്യത്ത് ഇതുവരെ 5,16,510 പേരാണ് കോവിഡ് ബാധിച്ച് മരിച്ചത്.