ഏത് ദിശയിലേക്കാണ് കുതിര കറങ്ങുന്നത്: ആളുകളെ കുഴപ്പിച്ച് ഒരു വീഡിയോ
ഏത് ദിശയിലേക്കാണ് കുതിര കറങ്ങുന്നത്: ആളുകളെ കുഴപ്പിച്ച് ഒരു വീഡിയോ
ആളുകളെ വളരെയേറെ രസിപ്പിക്കുന്നതും ചിന്തിപ്പിക്കുന്നതുമായ ഒന്നാണ് ഒപ്റ്റിക്കൽ ഇല്യൂഷൻസ്. ഇത്തരത്തിൽ ഒറ്റനോട്ടത്തിൽ കാണാനാകാത്ത അത്ഭുതങ്ങൾ ഒളിപ്പിച്ചുവെച്ച ചിത്രങ്ങളും വീഡിയോകളും ആളുകളെ കുഴപ്പിക്കും. വീണ്ടും വീണ്ടും ചിന്തിക്കാൻ പ്രേരിപ്പിക്കുന്ന, മണിക്കൂറുകളോളം അസ്വസ്ഥരാക്കാനും കഴിയുന്ന ഒരു ദൃശ്യ രഹസ്യം പോലെയാണ് അവ പ്രവർത്തിക്കുന്നത്. അത്തരത്തിൽ കണ്ണിനെ കുഴപ്പിക്കുന്ന ഒരു ദൃശ്യമാണ് ഇപ്പോൾ സോഷ്യൽ മീഡിയയിൽ ആളുകളെ കുഴപ്പിക്കുന്നത്.
കറങ്ങുന്ന കുതിരയുടെ ഒരു വീഡിയോയാണ് പ്രചരിക്കുന്നത്. ഒറ്റ നോട്ടത്തിൽ ഏത് ദിശയിലേക്കാണ് കുതിര തിരിയുന്നതെന്ന് മനസിലാക്കാൻ ബുദ്ധിമുട്ടാണ്. ഏത് വശത്തേയ്ക്കാണ് കുതിര കറങ്ങുന്നത് എന്ന ചോദ്യത്തിനൊപ്പമാണ് വീഡിയോ പങ്കുവെച്ചിരിക്കുന്നത്. ആദ്യം, കുതിര ക്ലോക്ക് സൂചി തിരിയുന്ന പോലെ നീങ്ങുന്നത് കാണാം. പക്ഷേ പകുതി വഴി അത് ദിശ മാറ്റുന്നതായി തോന്നും.
കുതിര ഏത് ദിശയിലേക്കാണ് കറങ്ങുന്നത് എന്നതിനെ ചൊല്ലി സമൂഹമാദ്ധ്യമങ്ങളിൽ രസകരമായ ചർച്ചകളും ഉയരുന്നുണ്ട്. നോക്കുന്ന ഓരോ ആളുകളും വീഡിയോയിൽ നിന്നും കാണുന്ന കാഴ്ച വ്യത്യസ്തമാണ്. പലരും പലപല അഭിപ്രായങ്ങളാണ് പങ്കുവെയ്ക്കുന്നത്. കണ്ണിനെ കുഴപ്പിക്കുന്നതും തെറ്റിദ്ധരിപ്പിക്കുന്നതുമായ ഇത്തരത്തിലൂള്ള വീഡിയോകളും പസിലുകളും മിഥ്യാധാരണകളും നേരത്തേയും ചർച്ചയായിട്ടുണ്ട്.