![“Manju”](https://santhigirinews.org/wp-content/uploads/2020/04/YOUTUBE.jpg")
ന്യൂഡല്‍ഹി : ഇന്ത്യയിലെ ഓട്ടോമോട്ടീവ് വ്യവസായ പ്രമുഖനും ടൊയോട്ട കിര്‍ലോസ്‌കര്‍ മോട്ടോര്‍ വൈസ് ചെയര്‍പേഴ്‌സനുമായ വിക്രം എസ് കിര്‍ലോസ്‌കര്‍ അന്തരിച്ചു. 64 വയസ്സായിരുന്നു. ഹൃദയാഘാതത്തെ തുടര്‍ന്ന് ഇന്നലെ രാത്രിയോടെയായിരുന്നു അന്ത്യം.
‘ ടൊയോട്ട കിര്‍ലോസ്‌കര്‍ മോട്ടറിന്റെ വൈസ് ചെയര്‍മാന്‍ വിക്രം എസ് കിര്‍ലോസ്‌കറിന്റെ അകാല വിയോഗത്തിന്റെ ദുഃഖത്തിലാണ് ഞങ്ങള്‍. ഈ വിഷമകരമായ ഘട്ടത്തില്‍ എല്ലാവരോടും അദ്ദേഹത്തിന്റെ ആത്മാവിന് ശാന്തി ലഭിക്കാന്‍ പ്രാര്‍ത്ഥിക്കണമെന്ന് അപേക്ഷിക്കുന്നു‘- ടൊയോട്ട ട്വീറ്റ് ചെയ്തു.
കിര്‍ലോസ്‌കറിന്റെ മരണത്തില്‍ കോണ്‍ഗ്രസ് എംപി കാര്‍ത്തി ചിദംബരം അനുശോചനം രേഖപ്പെടുത്തി.സംസ്‌കാരം ഇന്ന് ഉച്ചയ്‌ക്ക് 1 മണിക്ക് ഹെബ്ബല്‍ ശ്മശാനത്തില്‍ നടക്കും.ഭാര്യ : ഗീതാഞ്ജലി കിര്‍ലോസ്‌കര്‍ മകള്‍ : മാനസി കിര്‍ലോസ്‌കര്‍
