ബോളിവുഡ് നടന്‍ ശിവ് കുമാര്‍ സുബ്രഹ്മണ്യം അന്തരിച്ചു

മുംബൈ ; പ്രശസ്ത ബോളിവുഡ് നടനും തിരക്കഥാകൃത്തുമായ ശിവ് കുമാര്‍ സുബ്രഹ്മണ്യം അന്തരിച്ചു. ഞായറാഴ്ച രാത്രി മുംബൈയില്‍ വച്ചായിരുന്നു അന്ത്യം. മരണകാരണം വ്യക്തമല്ല. മകന്‍ മരിച്ച്‌ രണ്ടു മാസത്തിന് ശേഷമാണ് കുമാറിന്റെ വിയോഗം. ബ്രയിന്‍ ട്യൂമറിനെ തുടര്‍ന്നാണ് ശിവ് കുമാറിന്റെയും ദിവ്യ ജഗ്വാലയുടെയും ഏകമകന്‍ മരിക്കുന്നത്. 16ാം പിറന്നാള്‍ ആഘോഷിക്കാന്‍ ദിവസങ്ങള്‍ മാത്രം ശേഷിക്കെയായിരുന്നു മകന്റെ മരണം.

1989ല്‍ പരിന്ദ എന്ന ചിത്രത്തിലൂടെ എഴുത്തുകാരനായി തന്റെ കരിയര്‍ ആരംഭിച്ച നടന്‍ പിന്നീട് നിരവധി സിനിമകളിലും ടെലിവിഷന്‍ ഷോകളിലും പ്രത്യക്ഷപ്പെട്ടു. ടു സ്റ്റേറ്റ്‌സ് എന്ന ചിത്രത്തിലെ കഥാപാത്രം ശ്രദ്ധിക്കപ്പെട്ടു. റോക്കി ഹാന്‍ഡ്‌സം, അങ്‌ലി കാമിനി, 1942: എ ലവ് സ്റ്റോറി എന്നിവയാണ് മറ്റു ചിത്രങ്ങള്‍.