വേള്ഡ്സിന്റെ വെബ് പതിപ്പ് എത്തുന്നു
മെറ്റയുടെ (ഫേസ്ബുക്ക്) സോഷ്യല് മെറ്റാവേഴ്സ് പ്ലാറ്റ്ഫോം ഹൊറിസോണ് വേള്ഡ്സിന്റെ വെബ്സൈെറ്റ് പതിപ്പും പുറത്തിറങ്ങും.നിലവില് മെറ്റയുടെ ഉപകമ്പനി ഒക്കലസിന്റെ ക്വസ്റ്റ് വിആര് ഉപയോഗിച്ച് മാത്രമെ ഹൊറിസോണ് വേള്ഡ്സ് ഉപയോഗിക്കാന് സാധിക്കു. വെബ് പതിപ്പ് എത്തുന്നതോടെ ഉപഭോക്താക്കള്ക്ക് വലിയ സ്ക്രീനില് ഹൊറിസോണ് വേള്ഡ്സ് അനുഭവം സാധ്യമാവും.
ഹൊറിസോണ് വെബ് പതിപ്പിന്റെ കൂടുതല് വിവരങ്ങള് കമ്ബനി പുറത്തു വിട്ടിട്ടില്ല. ഈ വര്ഷം അവസാനത്തോടെ സ്മാര്ട്ട് ഫോണുകളിലും ഗെയിം കണ്സോളുകളിലും ഹോറിസോണ് അവതരിപ്പിക്കാന് മെറ്റ തയ്യാറെടുക്കുകയാണ്.
ഹൊറിസോണ് വേള്ഡ്സില് നിന്ന് ക്രിയേറ്റര്മാര് നേടുന്ന വരുമാനത്തിന്റെ 47.5 ശതമാനം ഫീസ് ഇനത്തില് മെറ്റ ഈടാക്കുമെന്ന് നേരത്തെ അറിയിച്ചിരുന്നു. എന്നാല് വെബ് പതിപ്പില് നിന്ന് ഇത് 25% ആയി കുറയും.
വലിയ തോതില് ഫീസ് ഈടാക്കാനുള്ള മെറ്റയുടെ തീരുമാനത്തിനെതിരെ വ്യാപകമായ പ്രതിഷേധങ്ങള് ഉയര്ന്നിരുന്നു. ആപ്പിള് സ്റ്റോറിലൂടെയുള്ള വാങ്ങലുകള്ക്ക് 30 % ഫീസ് ഈടാക്കുന്നതിനെതിരെ നേരത്തെ മെറ്റ രംഗത്ത് വന്നിരുന്നു.
ഹൊറിസോണ് വേള്ഡില് വിര്ച്വല് സാധനങ്ങളുടെ വില്പ്പന നിലവില് പരീക്ഷണാടിസ്ഥാനത്തില് ആണ് മെറ്റ നടത്തുന്നത്. യുഎസ്, യുകെ എന്നീ രാജ്യങ്ങളിലെ 18 വയസിന് മുകളില് ഉള്ളവര്ക്കാണ് സേവനം ഉപയോഗിക്കാന് സാധിക്കുക. ക്ഷണാടിസ്ഥാനത്തിലാണ്.
2021 ഡിസംബറിലാണ് ഹൊറിസോണ് വേള്ഡ്സ് ഔദ്യോഗികമായി ഉപഭോക്താക്കളിലേക്ക് എത്തിയത്. ഗെയിമിംഗ് മുതല് മെറ്റാവേഴ്സിലൂടെയുള്ള പരസ്പരമുള്ള ഇടപെടലുകള് വരെ സാധ്യമാക്കുന്ന ഭാവിയുടെ സോഷ്യല് മീഡിയ പ്ലാറ്റ്ഫോം ആയാണ് ഹൊറിസോണ് വേള്ഡ്സ് വിലയിരുത്തപ്പെടുന്നത്.