![“Manju”](https://santhigirinews.org/wp-content/uploads/2020/04/YOUTUBE.jpg")
ശ്രീജ.എസ്
പൂനെ: മഹാരാഷ്ട്ര മുന്‍ മുഖ്യമന്ത്രി ശിവാജിറാവു പാട്ടീല്‍ നിലങ്കേകര്‍ അന്തരിച്ചു. 88 വയസായിരുന്നു. സ്വവസതിയില്‍ വെച്ച്‌ ബുധനാഴ്ച പുലര്‍ച്ചെയാണ് അന്ത്യം.
ജൂലൈ 16ന് കോവിഡ് സ്ഥിരീകരിക്കപ്പെട്ട ഇദ്ദേഹം പൂനെയിലെ ആശുപത്രിയില്‍ ചികിത്സയിലായിരുന്നു. കോവിഡ് നെഗറ്റീവായതിനെ തുടര്‍ന്ന് രണ്ടു ദിവസം മുമ്പാണ് ആശുപത്രി വിട്ടത്.
കോണ്‍ഗ്രസ് നേതാവായിരുന്ന ശിവാജിറാവു പാട്ടീല്‍ 1985-86 കാലത്തായിരുന്നു മഹാരാഷ്ട്ര മുഖ്യമന്ത്രിയായിരുന്നത്. ലാത്തൂര്‍ സ്വദേശിയാണ്.
