ഹൈദരാബാദ്: ആന്ധ്രാപ്രദേശ് മുഖ്യമന്ത്രി വൈ.എസ്. ജഗന് മോഹന് റെഡ്ഡിയുടെ സഹോദരി വൈ.എസ്. ശര്മിള റെഡ്ഡി ‘വൈ.എസ്.ആര് തെലങ്കാന’ എന്ന തന്റെ പാര്ട്ടി തിരഞ്ഞെടുപ്പ് കമ്മീഷനില് രജിസ്റ്റര് ചെയ്തു. 2023-ലെ തെലങ്കാന നിയമസഭ തെരഞ്ഞെടുപ്പ് ലക്ഷ്യം വെച്ചാണ് ശര്മിളയുടെ നീക്കം.
ആന്ധ്രാപ്രദേശ് മുന്മുഖ്യമന്ത്രിയും പിതാവുമായ വൈ.എസ്. രാജാശേഖര റെഡ്ഡിയുടെ ആദര്ശങ്ങള് തെലങ്കാനയിലും നടപ്പിലാക്കാനാണ് പുതിയ പാര്ട്ടിയെന്ന് ശര്മ്മിള പറഞ്ഞു. ജൂലൈ എട്ടിന് പാര്ട്ടി ഔദ്യോഗികമായി തെലങ്കാനയില് നിലവില് വരുമെന്നും ശര്മിള അറിയിച്ചു.