കൂടുതല് മഴ ലഭിച്ചത് റുസ്താഖില്
മസ്കത്ത് : കൃഷി, മത്സ്യബന്ധനം, ജലവിഭവ മന്ത്രാലയം പ്രസിദ്ധീകരിച്ച കണക്കുകള്പ്രകാരം കഴിഞ്ഞ രണ്ട് ദിവസത്തിനിടെ കൂടുതല് മഴ ലഭിച്ചത് തെക്കന് ബാത്തിന ഗവര്ണറേറ്റിലെ റുസ്താഖ് വിലായത്തില്. ബുധന്, വ്യാഴം ദിവസങ്ങളിലായി പെയ്ത മഴയില് ഇവിടെ 95 മി.മീ. മഴയാണ് ലഭിച്ചത്. ദാഖിലിയ ഗവര്ണറേറ്റിലെ അല്ഹംറ, വടക്കന് ശര്ഖിയ ഗവര്ണറേറ്റിലെ ദമ വ അത്തയ്യീന് -90, തെക്കന് ശര്ഖിയ ഗവര്ണറേറ്റിലെ അല് കമേലിലും വല് വാഫിയ -72, സൂര് -55, മസ്കത്ത് ഗവര്ണറേറ്റിലെ ഖുറിയാത്ത്- 52, ദാഖിലിയ ഗവര്ണറേറ്റിലെ നിസ്വ -44, തെക്കന് ശര്ഖിയ ഗവര്ണറേറ്റിലെ ജലാന് ബാനി ബു ഹസ്സന് -40, ദഖിലിയ ഗവര്ണറേറ്റിലെ ബഹ്ല -39, തെക്കന് ബാത്തിന ഗവര്ണറേറ്റിലെ അല്അവാബി -36, ബുറൈമി -45 മി.മീ. മഴയുമാണ് മറ്റു വിലായത്തുകളില് ലഭിച്ചത്.