ജ്വല്ലറികളില് പരിശോധന നടത്തി
മസ്കത്ത്: മസ്കത്ത് ഗവര്ണറേറ്റിന്റെ വിവിധ ഭാഗങ്ങളിലുള്ള ജ്വല്ലറികളില് വാണിജ്യ, വ്യവസായ, നിക്ഷേപ പ്രോത്സാഹന മന്ത്രാലയം പരിശോധന നടത്തി.സ്വര്ണം, വെള്ളി ആഭരണങ്ങളുടെ വില്പന സംബന്ധിച്ച് ഇതുവരെ 169 നിയമലംഘനങ്ങള് കണ്ടെത്തിയതായി അധികൃതര് അറിയിച്ചു. കഴിഞ്ഞയാഴ്ച അല് ദാഹിറ ഗവര്ണറേറ്റില് ഉപഭോക്തൃ സംരക്ഷണ അതോറിറ്റി നടത്തിയ പരിശോധനയില് വിലയില് കൃത്രിമം കാട്ടിയെന്ന് കണ്ടെത്തിയ ജ്വല്ലറി അടച്ചുപൂട്ടാന് ഉത്തരവിട്ടിരുന്നു. ജ്വല്ലറി ഷോപ്പിനെ കുറിച്ച് ലഭിച്ച പരാതിയെ തുടര്ന്നാണ് ഉപഭോക്തൃ സംരക്ഷണ വിഭാഗം പരിശോധന നടത്തിയത്. പണിക്കൂലി, ഗ്രാം വില, വാറ്റ് എന്നിവയടക്കമുള്ള സ്വര്ണവിലയില് കൃത്രിമം കാണിക്കുന്നെന്നായിരുന്നു പരാതി. പരിശോധനയില് ഇത് സത്യമാണെന്ന് ബോധ്യപ്പെട്ടതിനെ തുടര്ന്നാണ് അടച്ചുപൂട്ടാന് നിര്ദേശിച്ചതെന്ന് അധികൃതര് വ്യക്തമാക്കി.