![“Manju”](https://santhigirinews.org/wp-content/uploads/2020/04/YOUTUBE.jpg")
കേന്ദ്രീയ വിദ്യാലയങ്ങളിലെ പ്രവേശനത്തില്‍ എം.പി. ക്വാട്ടയടക്കം റദ്ദാക്കിയ കേന്ദ്രസര്‍ക്കാര്‍ നടപടി ശരിവച്ച്‌ ഹൈക്കോടതി ഡിവിഷന്‍ ബെഞ്ച്. ക്വാട്ടകള്‍ പുനഃസ്ഥാപിക്കണമെന്ന സിംഗിള്‍ബെഞ്ച് ഉത്തരവ് റദ്ദാക്കി.
കേന്ദ്രസര്‍ക്കാര്‍ അടക്കം സമര്‍പ്പിച്ച അപ്പീലുകള്‍ പരിഗണിച്ചാണ് ജസ്റ്റിസ് പി.ബി. സുരേഷ് കുമാര്‍, ജസ്റ്റിസ് സി.എസ്. സുധ എന്നിവരടങ്ങിയ ഡിവിഷന്‍ ബെഞ്ചിന്റെ നടപടി. എം.പിമാര്‍ക്ക് അനുവദിച്ചിരുന്ന പത്തു സീറ്റുകളാണ് കേന്ദ്ര സര്‍ക്കാര്‍ റദ്ദാക്കിയിരുന്നത്.
ഇതിനെതിരെ വിദ്യാര്‍ത്ഥികള്‍ നല്‍കിയ ഹര്‍ജികളിലാണ് ക്വാട്ടകള്‍ പുനഃസ്ഥാപിക്കണമെന്ന് ഹൈക്കോടതി സിംഗിള്‍ബെഞ്ച് ഉത്തരവിറക്കിയിരുന്നത്.
