പൊന്മുടിയിലെ ലയങ്ങളില്‍ ഓണക്കിറ്റ് വിതരണംചെയ്തു.

തിരുവനന്തപുരം : പൊന്മുടിയിലെ വിവിധ ലയങ്ങളിൽ താമസിക്കുന്ന തൊഴിലാളി കുടുബങ്ങൾക്കുള്ള പ്രത്യേക

സൗജന്യ ഭക്ഷ്യ, ധാന്യ കിറ്റിന്റെ വിതരണോദ്ഘാടനം ഭക്ഷ്യ പൊതുവിതരണ വകുപ്പു മന്ത്രി ജി.ആർ അനിൽ നിർവഹിച്ചു. തൊഴിലാളികൾക്കുള്ള പച്ചക്കറി കിറ്റ് വിതരണം ഡി.കെ മുരളി എം.എൽ എ നിർവഹിച്ചു.

കല്ലാർ ജംഗ്ഷനിൽ നടന്ന ചടങ്ങിൽ തഹസീൽദാർ അനിൽ കുമാർ, തോട്ടം തൊഴിലാളി ജില്ലാ ജനറൽ സെക്രട്ടറി ചെറ്റച്ചൽ സഹദേവൻ ,പൊൻമുടി വാർഡ് മെമ്പർ രാധാമണി, യൂണിയൻ പ്രതിനിധികളായ വിനീഷ് കുമാർ, ഗോപകുമാർ തുടങ്ങിയവർ പങ്കെടുത്തു.

കൃഷ്ണകുമാര്‍ സി.എൻ.