ന്യൂഡല്ഹി: ബംഗാള് ഉള്ക്കടലില് ചുഴലിക്കാറ്റ് മുന്നറിയിപ്പുമായി കാലാവസ്ഥാ വകുപ്പ് . ജവാദ് ‘എന്ന് പേരിട്ടിരിക്കുന്ന ചുഴലിക്കാറ്റ് വെള്ളിയാഴ്ചയോടെ രൂപപ്പെടുമെന്ന് കേന്ദ്ര കാലാവസ്ഥ വിഭാഗം അറിയിച്ചു. അടുത്ത 12 മണിക്കൂറിനുള്ളില് ബംഗാള് ഉള്ക്കടലില് ന്യൂനമര്ദ്ദം രൂപപ്പെടുമെന്നാണ് കാലാവസ്ഥാ മുന്നറിയിപ്പില് ചൂണ്ടിക്കാട്ടുന്നത് .
ആന്ധ്രാ - ഒഡീഷ തീരമാണ് നിലവിലെ സഞ്ചാര പാത. അതെ സമയം ചുഴലിക്കാറ്റ് കേരളത്തില് ശക്തമാകാന് സാധ്യതയില്ലെന്നാണ് നിഗമനം. സൗദി അറേബ്യ നിര്ദേശിച്ച നാമങ്ങളുടെ പട്ടികയില് നിന്നാണ് പുതിയ ചുഴലിക്കാറ്റിന് ‘ജവാദ്’ എന്ന് പേര് നല്കിയത്.