InternationalLatest
നടി രംഭ സഞ്ചരിച്ച കാര് അപകടത്തില്പെട്ടു
നടി രംഭയും മക്കളും സഞ്ചരിച്ച കാര് അപകടത്തില്പെട്ടു. കാനഡയില്വച്ചാണ് സംഭവം. സ്കൂളില് നിന്നും കുട്ടികളെ തിരിച്ചുകൊണ്ടുപോകുന്ന വഴി രംഭയുടെ കാറില് മറ്റൊരു കാര് വന്ന് ഇടിക്കുകയായിരുന്നു. രംഭയും കുട്ടികളും അദ്ഭുതകരമായി രക്ഷപ്പെട്ടു. മൂത്ത മകള് സാഷയ്ക്ക് അല്പം പരുക്കുണ്ട്. ആശുപത്രിയില് കഴിയുന്ന സാഷയുടെ ചിത്രം പങ്കുവച്ചായിരുന്നു രംഭ ഈ വിവരം ആരധകരെ അറിയിച്ചത്.
”സ്കൂളില് നിന്ന് കുട്ടികളെ കൂട്ടിക്കൊണ്ടു പോകുന്ന വഴിയില് വച്ച് ഞങ്ങളുടെ കാറില് മറ്റൊരു കാര് ഇടിക്കുകയായിരുന്നു. ഞാനും കുട്ടികളും എന്റെ മുത്തശ്ശിയുമായിരുന്നു കാറിലുണ്ടായിരുന്നത്. ഞങ്ങള് എല്ലാവരും നിസ്സാര പരിക്കുകളോടെ സുരക്ഷിതരാണ്. എന്റെ കുഞ്ഞു സാഷ ഇപ്പോഴും ഹോസ്പിറ്റലിലാണ്” എന്ന അടിക്കുറിപ്പോടെയാണ് താരം ചിത്രം പങ്കുവെച്ചിരിക്കുന്നത്.