മോഷ്ടിക്കാനായി വീട്ടിനുള്ളില്‍ കയറിയ കള്ളന് ഒടുവില്‍ അവിടെ കിടന്ന് ഉറങ്ങിപ്പോയി. രാവിലെ വിളിച്ചുണര്‍ത്തിയതാവട്ടെ പോലീസുകാരും. തായ്‌ലന്റിലാണ് രസകരമായ സംഭവം നടന്നത്. ഫെറ്റ്ച്ചാബുന്‍ എന്ന സ്ഥലത്തെ വീടാണ് മോഷ്ടാവ് രാത്രി രണ്ടു മണിയോടെ കുത്തിത്തുറന്നത്. അകത്ത് കയറിയ ഇയാള്‍ വീട്ടിലെ ഒരു കിടപ്പുമുറിയില്‍ കിടന്ന് ഉറങ്ങിപ്പോകുകയായിരുന്നു. മോഷ്ടാവ് മോഷണത്തിനായി തിരഞ്ഞെടുത്തത് പോലീസ് ഓഫീസറുടെ വീടായിരുന്നു എന്നതാണ് മറ്റൊരു പ്രത്യേകത. പോലീസ് ഉദ്യോഗസ്ഥന്‍ മോഷ്ടാവിനെ കണ്ടതും ഉടന്‍ തന്നെ ഉറക്കെ അലറി വിളിച്ചു. പോലീസ് സ്റ്റേഷനിലേക്ക് വിവരം അറിയിച്ചു. പോലീസെത്തി അറസ്റ്റ് ചെയ്തു. തയ്‌റാത്ത് എന്ന 22കാരനാണ് പോലീസ് ഉദ്യോഗസ്ഥന്റെ വീട്ടില്‍ മോഷണത്തിന് ശ്രമിച്ചതെന്നാണ് വിവരം. വളരെ പണിപ്പെട്ടാണ് ഇയാള്‍ വീട് കുത്തിത്തുറന്നത്. അതിന്റെ ക്ഷീണത്തില്‍ കുറച്ച്‌ സമയം വിശ്രമിക്കാം എന്ന് കരുതിയാണ് കിടപ്പുമുറിയില്‍ കിടന്നത്. എന്തായാലും ആള് ഫെയ്മസായി എന്നു പറഞ്ഞാല്‍ മതിയല്ലോ.
![“Manju”](https://santhigirinews.org/wp-content/uploads/2020/04/YOUTUBE.jpg")
