തിരുവനന്തപുരം: രണ്ടാം പിണറായി വിജയന് സര്ക്കാരിന്റെ സത്യപ്രതിജ്ഞ പൂര്ത്തിയായി. മുഖ്യമന്ത്രി പിണറായി വിജയനാണ് ആദ്യം സത്യപ്രതിജ്ഞ ചെയ്തത്. തുടര്ന്ന് ഘടകകക്ഷി മന്ത്രിമാരും സത്യപ്രതിജ്ഞ ചെയ്തു. പിന്നീട് അക്ഷരമാല ക്രമത്തില് മറ്റുള്ളവരും സത്യപ്രതിജ്ഞ ചെയ്തു അധികാരമേറ്റു.
മുഖ്യമന്ത്രി പിണറായി വിജയനടക്കം 16 മന്ത്രിമാരുടെ സത്യപ്രതിജ്ഞ “സഗൗരവം’ ആയിരുന്നു. വീണ ജോര്ജ്, ആന്റണി രാജു, വി അബ്ദുറഹ്മാന്, കെ. കൃഷ്ണന്കുട്ടി, റോഷി അഗസ്റ്റിന് എന്നിവരാണ് ദൈവനാമത്തില് സത്യപ്രതിജ്ഞ ചെയ്തത്. ഐഎന്എല്ലിന്റെ അഹമ്മദ് ദേവര്കോവില് അള്ളാഹുവിന്റെ നാമത്തിലും സത്യപ്രതിജ്ഞ ചെയ്തു