![“Manju”](https://santhigirinews.org/wp-content/uploads/2020/04/YOUTUBE.jpg")
പ്രധാനമന്ത്രിയുടെ നിര്‍ദ്ദേശം അംഗീകരിച്ചുകൊണ്ട് ഐക്യരാഷ്‌ട്രസഭ 2023 ലോക മില്ലറ്റ് വര്‍ഷമായി പ്രഖ്യാപിച്ചു. ഇത് ഒരു വലിയ നേട്ടമാണെന്നും ലോകമെമ്പാടും മില്ലറ്റിന് ദിശാബോധം നല്‍കിയ രാഷ്‌ട്രമാണ് ഇന്ത്യയെന്നും അദ്ദേഹം പറഞ്ഞു. പര്‍വതങ്ങളുടെ റാണിയെന്ന് വിശേഷിപ്പിക്കപ്പെടുന്ന മുസ്സൂറിയില്‍ വച്ചാണ് മില്ലറ്റ് സമ്മേളനം സംഘടിപ്പിച്ചത്. ദേശീയ കൗണ്‍സില്‍ ഓഫ് സംസ്ഥാന കാര്‍ഷിക വിപണന ബോര്‍ഡിന്റെയും ഉത്തരാഖണ്ഡ് കാര്‍ഷിക ഉത്പാദന വിപണന ബോര്‍ഡിന്റെയും ആഭിമുഖ്യത്തിലാണ് മില്ലറ്റ് സമ്മേളനം സംഘടിപ്പിച്ചത്.
പ്രധാനമന്ത്രി നരേന്ദ്രമോദിയുടെ ആഹ്വാനപ്രകാരമാണ് ഐക്യരാഷ്‌ട്രസഭ ഈ വര്‍ഷം മില്ലറ്റ് വര്‍ഷമായി പ്രഖ്യാപിച്ചത്. അതൊരു വലിയ നേട്ടമാണ്. മാത്രമല്ല അത് ലോകമെമ്പാടും ആഘോഷിക്കപ്പെടുകയും ചെയ്യുന്നു. ഇതില്‍ പരമ്പരാഗതമായി വളര്‍ത്തുന്ന നാടന്‍ ധാന്യങ്ങള്‍ പ്രോത്സാഹിപ്പിക്കപ്പെടുന്നു. ശ്രീ അന്ന എന്നാണ് ഇതിന്റെ പേര്. ഇതിനായി കര്‍ഷകരെ പ്രോത്സാഹിപ്പിക്കുന്നുണ്ട്. മാത്രമല്ല അവ വിപണിയില്‍ സുലഭമാണ്. പാവപ്പെട്ടവര്‍ വര്‍ഷങ്ങളായി ഉല്‍പ്പാദിപ്പിക്കുന്ന ശ്രീ അന്നയ്‌ക്ക് നാളിതുവരെ അംഗീകാരം ലഭിച്ചിട്ടില്ലായിരുന്നു. എന്നാല്‍ പ്രധാനമന്ത്രിയുടെ ശ്രമഫലമായി ശ്രീ അന്നയ്‌ക്ക് പ്രോത്സാഹനം ലഭിച്ചുവെന്ന് അദ്ദേഹം പറഞ്ഞു.
ഉത്തരാഖണ്ഡ് കൊസാമ്പി ഡയറക്ടര്‍ ജനറല്‍ ആശിഷ് ഭട്ഗായിയാണ് പരിപാടികള്‍ക്ക് നേതൃത്വം നല്‍കിയത്. ബി.ജെ.പി മണ്ഡല അദ്ധ്യക്ഷന്‍ രാകേഷ് റാവത്ത്, മുന്‍ മണ്ഡലം അദ്ധ്യക്ഷനും എംഎല്‍എയുമായ മോഹന്‍ പെട്വാള്‍, മഹിളാ മോര്‍ച്ച അദ്ധ്യക്ഷ ഗീത കുമൈ തുടങ്ങി നിരവധി പ്രതിനിധികള്‍ ഈ സമ്മേളനത്തില്‍ പങ്കെടുത്തു.
