![“Manju”](https://santhigirinews.org/wp-content/uploads/2020/04/YOUTUBE.jpg")
ഇന്ത്യന്‍ വ്യോമസേനയുടെ ചരിത്രത്തില്‍ ആദ്യമായി മുന്‍നിര പോരാട്ട യൂണിറ്റിന്റെ (ഫ്രണ്ട്‌ലൈന്‍ കോംബാറ്റ് യൂണിറ്റ്‌) മേധാവിയായി ഒരു വനിത എത്തുന്നു. പഞ്ചാബ്‌ സ്വദേശിനി ക്യാപ്റ്റന്‍ ഷാലിസ ധാമിയാണ്‌ പാകിസ്ഥാന്‍ അതിര്‍ത്തി ഉള്‍പ്പെടുന്ന പടിഞ്ഞാറന്‍ മേഖലയിലെ മിസൈല്‍ സ്‌ക്വാഡ്രനെ നയിക്കുക. വ്യോമസേന ഈ മാസം ആദ്യം മുതലാണ്‌ ആരോഗ്യ വിഭാഗത്തിന്‌ പുറത്ത്‌ വിവിധ മേഖലളുടെ തലപ്പത്ത്‌ വനിതകളെ വിന്യസിച്ച്‌ തുടങ്ങിയത്‌.
ഷാലിസ 2003-ലാണ് ഹെലികോപ്‌റ്റര്‍ പൈലറ്റായി ഇവര്‍ വ്യോമസേനയിലെത്തുന്നത്. തുടര്‍ന്ന് 2005-ല്‍ ഫ്ലൈറ്റ് ലെഫ്റ്റനന്റും 2009-ല്‍ സ്‌ക്വാഡ്രണ്‍ ലീഡറുമായി. 2800 മണിക്കൂറിന്റെ പറക്കല്‍ അനുഭവമുണ്ട്.
ആര്‍മിയിലെ കേണലിന് തുല്യമായ സ്ഥാനമാണ്‌ ഗ്രൂപ്പ് ക്യാപ്റ്റന്‍. രണ്ടു തവണ എയര്‍ ഓഫീസര്‍ കമാന്‍ഡിങ്‌ –ഇന്‍– ചീഫിന്റെ മെഡല്‍ നേടിയിട്ടുണ്ട്‌. നിലവില്‍ കമാന്‍ഡ് ഹെഡ്ക്വാര്‍ട്ടേഴ്സിന്റെ ഓപ്പറേഷന്‍സ് ബ്രാഞ്ചിലാണ്.
