നേപ്പാളില്‍ ഹെലികോപ്ടർ അപകടം ; 6 പേരും മരിച്ചു

കാഠ്മണ്ഡു: നേപ്പാളിൽ സ്വകാര്യ ഹെലികോപ്റ്റർ തകർന്നുണ്ടായ അപകടത്തിൽ കാണാതായ ആറുപേരും മരിച്ചതായി റിപ്പോർട്ട്. ഹെലികോപ്റ്റർ നിയന്ത്രിച്ചിരുന്ന ക്യാപ്ടൻ ക്യാപ്ടൻ ചേത് ബഹാദൂർ ഗുരുംഗ് ഒഴികെ ബാക്കി 5 പേരും മെക്സിക്കൻ പൗരന്മാരായിരുന്നു എന്നാണ് വിവരം.
സോലുഖുംബുവിലെ സുർകിയിൽ നിന്നും രാവിലെ 9.45നാണ് ഹെലികോപ്റ്റർ യാത്ര ആരംഭിച്ചത്.

മനാംഗ് വ്യോമസംഘത്തിന്റെ ഭാഗമായ ഹെലികോപ്റ്റർ നേപ്പാൾ തലസ്ഥാനമായ കാഠ്മണ്ഡുവിലേക്കുള്ള യാത്രയിലായിരുന്നു. പറന്നുയർന്ന് 15 മിനിറ്റിനുള്ളിൽ ഹെലികോപ്റ്ററിന് അപകടം സംഭവിക്കുകയായിരുന്നു. കാലാവസ്ഥ പ്രതികൂലമായിരുന്നതിനാൽ ഹെലികോപ്ടർ ദിശ മാറി സഞ്ചരിക്കാൻ തീരുമാനിച്ചിരുന്നതായി വ്യോമയാന അധികൃതർ അറിയിച്ചു.
എവറസ്റ്റ് കൊടുമുടിക്ക് സമീപം ലിഖുപികെയിലെ ലാംജുറയിലാണ് ഹെലികോപ്റ്റർ തകർന്നുവീണത്. ലാംജുറയിലെ ഭാകെൻജെ ഗ്രാമവാസികളാണ് ഹെലികോപ്റ്റർ തകർന്നുവീഴുന്നത് ആദ്യമായി കണ്ടത്. ഇവർ അധികൃതരെ വിവരമറിയിക്കുകയായിരുന്നു.