വിമാനയാത്രക്കിടെ ആകാശത്ത് വിചിത്ര കാഴ്ച; ഇത് പറക്കും തളികയാണോയെന്ന് നടി ദിവ്യപ്രഭ

വിമാനയാത്രയ്ക്കിടെ ആകാശത്ത് വിചിത്രമായ ഒരു കാഴ്ച കണ്ടതായി നടി ദിവ്യപ്രഭ. തന്റെ ഇൻസ്റ്റാഗ്രാം പേജിലൂടെയാണ് താരം ഇത് അറിയിച്ചത്. ഇതിന്റെ ചിത്രങ്ങളും പങ്കുവച്ചിട്ടുണ്ട്. മുംബയില്‍ നിന്ന് കൊച്ചിലേയ്ക്ക് വരുമ്ബോഴാണ് ദിവ്യപ്രഭ ഈ കാഴ്ച കണ്ടത്. നിമിഷനേരം കൊണ്ട് ഈ കാഴ്ച അപ്രത്യക്ഷമായെന്നും അതൊരു പറക്കും തളികയാണോയെന്നും താരം പോസ്റ്റിലൂടെ ചോദിച്ചു.
‘മുംബയില്‍ നിന്ന് കൊച്ചിയിലേയ്ക്കുള്ള യാത്രയില്‍, വിമാനം കൊച്ചിയില്‍ ഇറങ്ങുന്നതിന് ഏതാണ്ട് ഒരു മണിക്കൂര്‍ മുൻപ് ഞാൻ ആകാശത്തിന്റെ ചിത്രം എടുത്തു. പെട്ടെന്ന് ഫോണിലെ ക്യാമറയില്‍ വിചിത്രമായ ഒരു വസ്തു കണ്ടു. മേഘങ്ങള്‍ക്കിടയിലൂടെ ആ വസ്തു പറക്കുകയും നിമിഷനേരം കൊണ്ട് അപ്രത്യക്ഷമാവുകയും ചെയ്തു. അതെന്താണെന്ന് എനിക്ക് മനസിലായില്ല. അതൊരു യുഎഫ്‌ഒ (പറക്കും തളിക) ആണോ?.’ ദിവ്യപ്രഭ കുറിച്ചു. താരം പങ്കുവച്ച ഇതിന്റെ ചിത്രങ്ങള്‍ക്ക് നിരവധി ലെെക്കും കമന്റും ലഭിക്കുന്നുണ്ട്.