പോത്തന്‍കോട് ലയണ്‍സ് ക്ലബിന്റെ പുതിയ ചുമതലക്കാരുടെ സ്ഥാനാരോഹണ ചടങ്ങും ഓണാഘോഷവും  ഗായകൻ പട്ടം സനിത്ത് ഉദ്ഘാടനം ചെയ്തു.

പോത്തന്‍കോട് : ലയൺസ് ക്ലബ് പോത്തൻകോടിന്റെ പുതിയ ഭാരവാഹികളുടെ സ്ഥാനാരോഹണ ചടങ്ങും, ഓണാഘോഷ പരിപാടിയും പ്രശസ്ത ചലച്ചിത്ര പിന്നണി ഗായകൻ പട്ടം സനിത്ത് ഉദ്ഘാടനം ചെയ്തു.
മൂൺലൈറ്റ് കൺവെൻഷൻ സെന്ററിൽ സംഘടിപ്പിച്ച ഓണാഘോഷ പരിപാടിയ്ക്ക് മുൻ ലയൺസ് ക്ലബ് ഗവർണർ ഡോ. എ കെ അബ്ബാസ് അധ്യക്ഷത വഹിച്ചു. പോത്തൻകോട് ലയൺസ് ക്ലബ് പ്രസിഡൻറ് അഡ്വ അബ്ദുൽ ലത്തീഫ്, റീജിയൻ ചെയർമാൻ സുനിൽ സി വർഗീസ്,സോണൽ ചെയർമാൻ രവികുമാർ, ഷാനവാസ് എന്നിവർ സംസാരിച്ചു.

ചടങ്ങിൽ പ്രശസ്ത ചലച്ചിത്ര പിന്നണി ഗായകൻ പട്ടം സനിത്തിന് മുൻ ഗവർണർ ഡോ എ കെ അബ്ബാസ് മെമന്റോ നല്കി ആദരിച്ചു. തുടർന്ന് ചലച്ചിത്ര പിന്നണി ഗായകൻ പട്ടം സനിത്തിന്റെ ഗാനത്തോടെ കലാപരിപാടികൾ ആരംഭിച്ചു. വിഭവ സമൃദ്ധമായ ഓണസദ്യ ഒരുക്കിയിരുന്നു.