ഭോപ്പാല്: മദ്ധ്യപ്രദേശ് മുഖ്യമന്ത്രി ശിവരാജ് സിംഗ് ചൗഹാന്റെ മണ്ഡലമായ ബുധ്നിയില് നിര്മിച്ച പാലം ഉദ്ഘാടനം ചെയ്തതിന് കോണ്ഗ്രസ് എം.എല്.എ സജ്ജന് സിംഗ് വര്മക്കെതിരെ പൊലീസ് കേസെടുത്തു. പൊതുമരാമത്ത് വകുപ്പ് സബ് ഡിവിഷണല് ഓഫിസര് സോമേഷ് ശ്രീവാസ്തവിന്റെ പരാതിയിലാണ് കേസ്. കഴിഞ്ഞവര്ഷം മഴക്കാലത്ത് പാലം തകര്ന്നിരുന്നു. തുടര്ന്ന് നാലു കോടി മുതല് മുടക്കി പുനര്നിര്മിക്കുകയായിരുന്നു. പാലത്തിന്റെ ബലപരിശോധന നടത്തിയിട്ടില്ലെന്നും അതിനാല് രണ്ടുമൂന്നു ദിവസത്തിന് ശേഷമേ ഉദ്ഘാടനം ചെയ്യാവൂവെന്നും അധികൃതര് അറിയിച്ചു.എന്നാല്, ജൂണ് 30ന് സിംഗ് പാലം ഉദ്ഘാടനം ചെയ്തെന്ന് ശ്രീവാസ്തവ് പരാതിയില് പറയുന്നു. സിംഗിനെതിരെ കൂടാതെ എട്ടോളം പേര്ക്കെതിരെയും പൊലീസ് കേസെടുത്തിട്ടുണ്ട്.ഞാന് ഉദ്ഘാടനം നടത്തിയ നടപടി മുഖ്യമന്ത്രിയെ പ്രകോപിപ്പിച്ചു. അതിനാലാണ് കേസെടുത്തതെന്ന് സിംഗ് ആരോപിച്ചു.
Related Articles
Check Also
Close
-
മാതൃകയായി സ്റ്റേറ്റ് കോവിഡ് കോള്സെന്റര്May 5, 2020 6:59 PM