പാലക്കാട്: പാലക്കാട്ടെ മുതിര്ന്ന കോണ്ഗ്രസ് നേതാവ് എ.വി. ഗോപിനാഥ് പാര്ട്ടി വിട്ടു. കോണ്ഗ്രസ് പ്രാഥമിക അംഗത്വം രാജിവെച്ചതായി ഗോപിനാഥ് സ്വദേശമായ പെരിങ്ങോട്ടുകുറുശിയില് വിളിച്ചു ചേര്ത്ത വാര്ത്താസമ്മേളനത്തില് അറിയിച്ചു.
“50 വര്ഷം നീണ്ട കോണ്ഗ്രസ് ബന്ധമാണ് ഇപ്പോള് അവസാനിപ്പിച്ചത്. കോണ്ഗ്രസിന് വേണ്ടി ഉഴിഞ്ഞുവച്ച ജീവിതമായിരുന്നു തന്റേത്. രാജിവച്ചെങ്കിലും ഉടന് മറ്റൊരു പാര്ട്ടിയിലേക്കുമില്ല. പിണറായി വിജയന് സമുന്നതനായ നേതാവാണെന്ന് പറഞ്ഞ എ വി ഗോപിനാഥ് സിപിഐഎമ്മുമായുള്ള സഹകരണം തള്ളാതെയാണ് പ്രതികരണം നടത്തിയത്. കാലക്രമേണയുള്ള നയങ്ങളുടെ അടിസ്ഥാനത്തിലാകും തന്റെ ഭാവിതീരുമാനങ്ങള്. നല്ല പ്രകാശം മുന്നില് വരുമെന്നാണ് പ്രതീക്ഷയെന്നും” അദ്ദേഹം പറഞ്ഞു.