ഡോ. വന്ദനദാസിന്റെ മരണം: പ്രതിഷേധജ്വാലയുമായി സിദ്ധ മെഡിക്കൽ കോളേജ് വിദ്യാർത്ഥികൾ

പോത്തൻകോട് : ഡോ.വന്ദനദാസിന്റെ മരണത്തിൽ അനുശോചനം അറിയിച്ചും ആരോഗ്യപ്രവർത്തകർക്കെതിരെയുളള അക്രമങ്ങളിൽ അപലപിച്ചും പോത്തൻകോട് സ്വകാര്യമെഡിക്കൽ കോളേജിലെ വിദ്യാർത്ഥികൾ. വൈകിട്ട് 7 മണിക്ക് മെഡിക്കൽ വിദ്യാർത്ഥികളും ഹൗസ് സർജൻമാരും ഡോക്ടർമാരുമടക്കം നൂറിലേറേ പേർ തെക്കാട്- കഴക്കൂട്ടം ബൈപ്പാസ് റോഡിലെ ശാന്തിഗിരി ജംഗ്ഷനിൽ മെഴുകുതിരികളുമായി അണിനിരന്നു. വിദ്യാർത്ഥി യൂണിയന്റെ നേതൃത്വത്തിൽ സംഘടിപ്പിച്ച അനുശോചന പരിപാടിയിൽ യൂണിയൻ ചെയർമാൻ ആകാശ് കുമാർ. ജി, സുമയ്യ യൂസുഫ്, ഹൗസ് സർജൻ ഡോ.മരിയ മാർട്ടിൻ, ഡോ.വസന്ത്സിംഗ്, ഡോ.ഭാസ്കരൻ എന്നിവർ സംസാരിച്ചു.