KeralaLatestThiruvananthapuram
ഇന്നു വൈകുന്നേരം ശബരിമലനട തുറക്കും
തിരുവനന്തപുരം: ഇന്നു വൈകുന്നേരം അഞ്ചിനു കന്നിമാസ പൂജകള്ക്കായി ശബരിമല ധര്മശാസ്താ ക്ഷേത്രനട തുറക്കും. നട തുറന്നിരിക്കുന്ന അഞ്ചു ദിവസങ്ങളിലും നെയ്യഭിഷേകം, ഉദയാസ്തമന പൂജ, കളഭാഭിഷേകം, പടിപൂജ, പുഷ്പാഭിഷേകം തുടങ്ങിയവ ഉണ്ടാകും. ഭക്തരെ നാളെ മുതല് 21 വരെ പ്രവേശിപ്പിക്കാന് അനുമതി ഉണ്ട്.ദിവസേന 15000 ഭക്തര്ക്ക് വീതം മാത്രമാണ് പ്രവേശനാനുമതിയുള്ളത്. എല്ലാ കോവിഡ് മാനദണ്ഡങ്ങളും അനുസരിച്ചു ഓണ്ലൈന് വഴി ബുക്ക് ചെയ്താണ് ഭക്തര് ദര്ശനത്തിനായി എത്തേണ്ടത്.