![“Manju”](https://santhigirinews.org/wp-content/uploads/2020/04/YOUTUBE.jpg")
ശ്രീജ.എസ്
ലോകത്തിലെ തന്നെ ആദ്യ ഇസ്ലാമിക് ബാങ്ക് സ്ഥാപകനും പ്രമുഖ സാമ്പത്തിക വിദഗ്ദനും വ്യവസായിയുമായ ഹാജ് സഈദ് ബിന്‍ അഹ്മദ് അല്‍ ലൂത്ത അന്തരിച്ചു. 97 വയസായിരുന്നു. 1923 ല്‍ ദുബൈയില്‍ ജനിച്ച സഈദ് ലൂത്ത യു.എ.ഇയുടെ സാമ്പത്തിക പുരോഗതിയില്‍ നിര്‍ണായക പങ്ക് ഇദ്ദേഹം വഹിച്ചിരുന്നു.
ദുബായ് കണ്‍സ്യൂമര്‍ കോ ഓപറേറ്റീവ്, ദുബൈ ഇസ്ലാമിക് ബാങ്ക് എന്നിവ സ്ഥാപനങ്ങളും സൊസൈറ്റികളും സംഘടനകളും സ്ഥാപിച്ചത് അദ്ദേഹത്തിന്റെ നേതൃത്വത്തിലാണ്. 1983ല്‍ ഇസ്ലാമിക് എഡുകേഷന്‍ സ്കൂളും 86 ല്‍ പെണ്‍കുട്ടികള്‍ക്കായി ദുബൈ മെഡിക്കല്‍ കോളജും സ്ഥാപിച്ചു. 1956 ല്‍ സഹോദരനുമൊത്ത് എസ്.എസ് ലൂത്ത കോണ്‍ട്രാക്ടിങ് കമ്പനി തുടങ്ങിയതാണ് വഴിത്തിരിവായത്. പ്രമുഖ സ്ഥാപനമായി വളര്‍ന്ന എസ്.എസ് ലൂത്തയുടെ ചെയര്‍മാനാണ് അദ്ദേഹം. നാവികന്‍ എന്ന നിലയില്‍ നിന്ന് വന്‍ വ്യവസായിയായ ചരിത്രമാണ് സഈദ് ലൂത്തയുടേത്. സാമ്പത്തിക വിദഗ്ദന്‍, ബാങ്കര്‍, ദീര്‍ഘവീക്ഷണമുള്ള നേതാവ്, എഴുത്തുകാരന്‍, അധ്യാപകന്‍ എന്നീ നിലകളിലും സാന്നിധ്യം അറിയിച്ചിരുന്നു.
