ശ്രീജ.എസ്
കൊച്ചി: ഇന്ത്യന് നാവികസേനക്ക് ഇത് ചരിത്രനിമിഷം. ഇന്ത്യന് യുദ്ധക്കപ്പലില് ചരിത്രത്തിലാദ്യമായാണ് വനിത നാവികസേന ഉദ്യോഗസ്ഥര് സേവനമനുഷ്ഠിക്കുന്നത്. സബ് ലഫ്റ്റനന്റുമാരായ കുമുദിനി ത്യാഗിയും റിതി സിംഗുംമാണ് യുദ്ധക്കപ്പലുകളിലെ ഹെലികോപ്റ്റര് പറത്താന് തിരഞ്ഞെടുക്കപ്പെട്ട ആദ്യ ബാച്ച് വനിത ഉദ്യോഗസ്ഥര് . കൊച്ചി നാവിക സേന ഒബ്സര്വേര്സ് അക്കാദമിയില് നിന്നാണ് ഇവര് പരിശീലനം പൂര്ത്തിയാക്കിയത്.
നാവികസേനയുടെ യുദ്ധക്കപ്പലുകളിലേക്ക് ഹെലികോപ്പ്റ്റര് ഇറക്കാനും പറന്നുയരാനുമുള്ള ദുഷ്കര ദൗത്യത്തിന് ഈ വനിതകളും. 60 മണിക്കൂര് ഒറ്റയ്ക്ക് ഹെലികോപ്റ്റര് പറത്തിയാണ് ഇരുവരും നേട്ടം കൈവരിച്ചത്. ബിടെക്ക് പൂര്ത്തിയാക്കിയ രണ്ട് പേരും 2018ലാണ് നാവികസേനയില് ചേര്ന്നത്. ഇന്നലെ ഐഎന്എസ് ഗരുഡയില് നടന്ന ചടങ്ങില് റിയര് അഡ്മിറല് ആന്റണി ജോര്ജ് ഉദ്യോഗസ്ഥര്ക്ക് വിംഗ്സ് നല്കി.