കൊല്ലം: ഉത്രയെ കൊലപ്പെടുത്തിയത് മരുന്ന് നല്കി മയക്കിയ ശേഷമെന്ന് സൂരജിന്റെ മൊഴി. പാമ്പിനെക്കൊണ്ട് കടിപ്പിക്കുന്നതിന് മുന്പ് ഉത്രയ്ക്ക് മയങ്ങാന് മരുന്ന് നല്കിയിരുന്നു. പായസത്തിലും ജ്യൂസിലുമാണ് മരുന്ന് കലര്ത്തി നല്കിയത്. ഉത്രയെ കൊലപ്പെടുത്താനുള്ള ആദ്യ ശ്രമത്തിലും ഗുളിക നല്കിയിരുന്നു എന്നും സൂരജിന്റെ മൊഴി.
മാർച്ച് 2 രാത്രിയിലാണ് ഉത്രയ്ക്ക് അണലിയുടെ കടിയേറ്റത്. അന്ന് സൂരജിന്റെ അമ്മ വീട്ടിലുണ്ടാക്കിയ പായസത്തിലാണ് ഉറക്കഗുളിക ചേർത്തത്. തുടർന്ന് അണലിയെ ശരീരത്തിലേക്ക് വിട്ടു. അണലിയെ പ്രകോപിപ്പിച്ച് ഉത്രയെ കടിപ്പിച്ചു. എന്നാൽ ഉത്ര എഴുന്നേറ്റു ബഹളം ഉണ്ടാക്കി. അടുത്ത ശ്രമത്തിൽ മേയ് ആറിന് രാത്രിയിലാണ് ഉത്ര കൊല്ലപ്പെടുന്നത്. മൂർഖനെ ശരീരത്തിലേക്ക് എറിയും മുൻപ് ഗുളിക ചേർത്ത ജ്യൂസ് ഉത്രയെ കുടിപ്പിച്ചു. ഡോസ് കൂട്ടിയാണ് ജ്യൂസിൽ മരുന്ന് പൊടിച്ചു ചേർത്തത്. 5 വയസ്സുള്ള മൂർഖനെ ഉപയോഗിച്ച് സൂരജ് ലക്ഷ്യം നിറവേറ്റി.