ശ്രീജ.എസ്
തിരുവനന്തപുരം: തെരഞ്ഞെടുപ്പ് ചുമതലയുണ്ടായിരുന്ന ഉദ്യോഗസ്ഥര്ക്ക് കോവിഡ് പരിശോധന കര്ശനമാക്കി. എറണാകുളം അടക്കം ചില ജില്ലകളില് തെരഞ്ഞെടുപ്പ് ഡ്യൂട്ടിയിലുണ്ടായിരുന്നവര്ക്ക് കൊറോണ വൈറസ് രോഗം സ്ഥിരീകരിച്ചതോടെയാണ് ഈ തീരുമാനം എടുത്തിരിക്കുന്നത്. തെരഞ്ഞെടുപ്പ് ജോലിയുണ്ടായിരുന്നവരില് ചിലര്ക്ക് രോഗലക്ഷണങ്ങളുണ്ടായതോടെ നടത്തിയ പിസിആര് പരിശോധനയിലാണ് കോവിഡ് രോഗം സ്ഥിരികരിച്ചത്. ഇതോടെയാണ് തെരഞ്ഞെടുപ്പ് ചുമതലയുണ്ടായിരുന്ന ജീവനക്കാരെയെല്ലാം പരിശോധനക്ക് വിധേയമാക്കാന് ആരോഗ്യ വകുപ്പ് നിര്ദേശം നല്കുകയുണ്ടായത് .
ചുമതലയുണ്ടായിരുന്ന ജീവനക്കാരുടെ പട്ടിക റിട്ടേണിങ് ഓഫിസര്മാര് ജില്ലാ ആരോഗ്യവകുപ്പിന് കൈമാറേണ്ടതുണ്ട്. ഇവര്ക്കെല്ലാം സര്ക്കാര് ചെലവില് പരിശോധന നടത്തുന്നതാണ്. തിരഞ്ഞെടുപ്പ് പ്രചരണത്തില് സജീവമായിരുന്ന പല പ്രമുഖ നേതാക്കളും കോവിഡ് രോഗ ബാധിതരായതോടെ സമ്പര്ക്കത്തിലൂടെ വന്നവരും വോട്ടര്മാരും അടക്കം ജാഗ്രത പുലര്ത്തണമെന്ന നിര്ദേശവും നല്കി.