KeralaLatestThiruvananthapuram
ലോക്ക് ഡൗൺ; ജീവനക്കാർ എത്തിയില്ല; സെക്രട്ടേറിയറ്റിലെ വൈദ്യുതി ബിൽ 8.32 ലക്ഷം രൂപ കുറഞ്ഞു
സിന്ധുമോള് ആര്
തിരുവനന്തപുരം: ലോക് ഡൗൺ പ്രഖ്യാപനത്തെ തുടർന്ന് സർക്കാർ ജീവനക്കാരിൽ ഭൂരിഭാഗവും വീട്ടിലിരുന്നപ്പോൾ സെക്രട്ടേറിയറ്റിലെ വൈദ്യുതി ബിൽ തുക കുറഞ്ഞു. 2019 മേയിൽ 33.27 ലക്ഷമായിരുന്നു സെക്രട്ടേറിയറ്റിലെ 4 കെട്ടിടങ്ങൾക്കുള്ള വൈദ്യുത ചാർജ്. എന്നാൽ കഴിഞ്ഞ മാസം ഇത് 24.95 ലക്ഷം രൂപയായി. അതായത് 8.32 ലക്ഷത്തിന്റെ കുറവ് . 26 ലക്ഷത്തോളം രൂപയാണ് സെക്രട്ടേറിയറ്റിലെ പ്രതിമാസ ബിൽ തുക.
കസേരയിൽ ജീവനക്കാരില്ലെങ്കിലും സെക്രട്ടേറിയറ്റിലെ കറങ്ങുന്ന ഫാനും കത്തിക്കിടക്കുന്ന ലൈറ്റുമൊക്കെ നേരത്തെയും വാർത്തകളിൽ നിറഞ്ഞിട്ടുണ്ട്. അതുകൊണ്ടു തന്നെ അമിത വൈദ്യുതി ഉപയോഗത്തിന് പേരുദേഷമുള്ള സർക്കാർ ഓഫീസുകളിലൊന്നാണ് സെക്രട്ടേറിയറ്റ്.