![“Manju”](https://santhigirinews.org/wp-content/uploads/2020/04/YOUTUBE.jpg")
ശ്രീജ.എസ്
സൗദി: കൊവിഡിന്റെ പശ്ചാത്തലത്തില്‍ സൗദിയില്‍ താമസിക്കുന്ന സ്വദേശികള്‍ക്കും വിദേശികള്‍ക്കും മാത്രമേ ഇക്കുറി ഹജ്ജ് തീര്‍ത്ഥാടനം അനുവദിക്കുകയുള്ളൂ. വിദേശരാജ്യങ്ങളില്‍ നിന്നുള്ളവര്‍ക്ക് തീര്‍ത്ഥാടനത്തിന് അനുമതിയില്ല. നിയന്ത്രണങ്ങളോടെയായിരിക്കും തീര്‍ത്ഥാടനമെന്ന് സൗദി ഹജ്ജ് മന്ത്രാലയം അറിയിച്ചു.
ഉംറ പൂര്‍ണമായി നിറുത്തിയതിന് പിന്നാലെയാണ് ഹജ്ജ് പരിമിതപ്പെടുത്താനുള്ള തീരുമാനം. ജനങ്ങളുടെ സുരക്ഷ പരിഗണിച്ചാണ് തീരുമാനമെന്നും മന്ത്രാലയം വ്യക്തമാക്കി. കഴിഞ്ഞവര്‍ഷം രണ്ട് ലക്ഷം ഇന്ത്യാക്കാരടക്കം 25 ലക്ഷം പേരാണ് ഹജ്ജ് തീര്‍ത്ഥാടനം നടത്തിയത്.
റംസാന്‍ നോമ്പുകാലത്തുണ്ടായിരുന്നതു പോലെ നിയന്ത്രണങ്ങളോടെയായിരിക്കും മക്ക, മദീന വിശുദ്ധ നഗരങ്ങളിലെ പ്രാര്‍ത്ഥനാ കര്‍മ്മങ്ങള്‍ നിര്‍വഹിക്കാന്‍ സൗകര്യമൊരുക്കുക എന്നും മന്ത്രാലയം അറിയിച്ചു.
