ശ്രീജ.എസ്
ന്യൂഡല്ഹി: ഡല്ഹിയില് കോവിഡ് വ്യാപനം കുറയ്ക്കാന് സാധിച്ചെന്ന് മുഖ്യമന്ത്രി അരവിന്ദ് കേജരിവാള്. കണക്കുകള് ചൂണ്ടിക്കാട്ടിയാണ് അദ്ദേഹം ഇക്കാര്യം അവകാശപ്പെട്ടത്. ജൂണ് അവസാനം 60,000 കേസുകള് ഉണ്ടാകുമെന്നാണ് പ്രതീക്ഷിച്ചിരുന്നത്. എന്നാല് കഴിഞ്ഞ മാസം അവസാനം 26,000 കേസുകള് മാത്രമാണ് റിപ്പോര്ട്ട് ചെയ്തത്.
കഴിഞ്ഞ ആഴ്ചയില് കോവിഡ് കേസുകളുടെ എണ്ണം കുറഞ്ഞുവരികയാണ്. ദിവസം 4,000 കേസുകള് എന്നതില്നിന്ന് 2,500 ലേക്ക് എത്തിയിട്ടുണ്ടെന്നും അദ്ദേഹം പറഞ്ഞു. കോവിഡ് പരിശോധനകളുടെ എണ്ണം വര്ധിപ്പിച്ചതായും അദ്ദേഹം ചൂണ്ടിക്കാട്ടി. പരിശോധനയില് ശുഭസൂചനകളാണ് ഉണ്ടാകുന്നത്. നേരത്തെ പരിശോധിക്കുന്ന 100 പേരില് 31 പേര് പോസിറ്റീവ് ആയിരുന്നു. ഇപ്പോഴത് 100 പേരില് 13 ആയി ചുരുങ്ങിയെന്നും കെജരിവാള് പറഞ്ഞു. രോഗമുക്തിയുടെ നിരക്കും വര്ധിച്ചിട്ടുണ്ട്. 60 ശതമാനത്തില്നിന്നും 66 ശതമാനമായാണ് രോഗമുക്തി നിരക്ക് വര്ധിച്ചത് മുഖ്യമന്ത്രി കൂട്ടിച്ചേര്ത്തു.