ശ്രീജ.എസ്
വണ്ടൂര്: പ്ലസ് ടു വിദ്യാര്ഥിനിയുടെ നോവലിന് അമേരിക്കന് പ്രസിദ്ധീകരണമായ ‘ദ സണിന്റെ വക ഒരുലക്ഷം രൂപ പ്രതിഫലം. ചെറുകോട് സ്വദേശിനി ലിയ ഷാനവാസിനാണ് ഈ അംഗീകാരം. പ്രവാസിയായ എളയോടന് ഷാനവാസ്-റജുല ദമ്പതികളുടെ മകളായ ലിയ പത്താം ക്ലാസിന് ശേഷമാണ് എഴുത്തില് ശ്രദ്ധിച്ചത്. ലോക് ഡൗണ് സമയത്ത് ഒഴിവുവേളകളിലാണ് യഥാര്ഥ സംഭവങ്ങളെ ആസ്പദമാക്കി ‘okeyed’ നോവല് പൂര്ത്തിയാക്കിയത്.
തുടര്ന്ന് നോവലിലെ മൂന്ന് അധ്യായങ്ങള് വേര്ഡ്പാര്ഡ് ആപ്പില് പോസ്റ്റ് ചെയ്തു. തുടര്ന്ന് രണ്ട് അമേരിക്കന് പ്രസാധകര് ലിയയെ ബന്ധപ്പെടുകയും പണം തന്നാല് പ്രസിദ്ധീകരിക്കാമെന്ന് അറിയിക്കുകയും ചെയ്തു. എന്നാല്, നിബന്ധനകള് താല്പര്യമില്ലാത്തതിനാല് ഉപേക്ഷിച്ചു. ഇതിനിടെയാണ് ബുക്ക് ലിഫ് പബ്ലിഷിങ്ങിലെ ജോണ് എസ്ലേ ലിയയെ വിളിക്കുന്നതും അഭിനന്ദിക്കുന്നതും. തുടര്ന്ന് ലിയ ഫിയര്, വര്ക്ക്, ബോയ്ഫ്രണ്ട് ആന്ഡ് ഗേള് ഫ്രണ്ട്, പുവര്ട്ടീ എന്നീ പേരില് ലേഖനങ്ങള് അയച്ചു. ‘ദ സണ്’ പ്രസിദ്ധീകരിക്കുകയും പ്രതിഫലമായി ഒരുലക്ഷം രൂപ നല്കുകയും ചെയ്തു.