ശ്രീജ.എസ്
തൃശൂര്: പ്രമുഖ ആയുര്വേദ ചികിത്സകനും വൈദ്യരത്നം സ്ഥാപനങ്ങളുടെ ചെയര്മാനും മാനേജിംഗ് ഡയറക്ടറുമായ അഷ്ടവൈദ്യന് ഇ.ടി. നാരായണന് മൂസ് (87) അന്തരിച്ചു. ഇന്നലെ രാത്രി എട്ടരയോടെ തൃശൂര് തൈക്കാട്ടുശ്ശേരിയിലെ വസതിയില് വച്ചായിരുന്നു അന്ത്യം. സംസ്കാരം ഇന്ന് രാവിലെ ഒമ്പതിന് സംസ്ഥാന ബഹുമതികളോടെ നടക്കും.
വാര്ദ്ധക്യസഹജമായ അസുഖങ്ങളെ തുടര്ന്ന് ഏതാനും ദിവസം കൊച്ചി അമൃത ഇന്സ്റ്റിറ്റ്യൂട്ട് ഒഫ് മെഡിക്കല് സയന്സില് അത്യാഹിത വിഭാഗത്തിലായിരുന്നെങ്കിലും ഞായറാഴ്ച വീട്ടിലേക്ക് കൊണ്ടുവന്നിരുന്നു.
ഭാര്യ: വെള്ളാരപ്പിള്ളി മുരിയമംഗലത്ത് സതി അന്തര്ജനം. മക്കള്: ഡോ. ഇ.ടി. നീലകണ്ഠന് മൂസ്, ഇ.ടി. പമേശ്വരന് മൂസ്, ഇ.ടി. ഷൈലജ. (മൂന്നുപേരും വൈദ്യരത്നം ഡയറക്ടര്മാര്) മരുമക്കള്: ഹേമ, മിനി, ഭവദാസന് നമ്പൂതിരി.