നാല്​ യുവാക്കള്‍ അ​ണ​ക്കെ​ട്ടില്‍ വീണു; രണ്ടു പേരെ സാരിയെറിഞ്ഞ്​ യുവതികള്‍ രക്ഷിച്ചു

സിന്ധുമോള്‍ ആര്‍

ചെ​ന്നൈ: അ​ബ​ദ്ധ​ത്തി​ല്‍ ഡാ​മി​ല്‍ വീ​ണ ര​ണ്ട്​ യു​വാ​ക്ക​ളെ മൂ​ന്ന്​ സ്​​ത്രീ​ക​ള്‍ ചേ​ര്‍​ന്ന്​ അ​വ​ര്‍ ധ​രി​ച്ചി​രു​ന്ന സാ​രി എ​റി​ഞ്ഞു​കൊ​ടു​ത്ത്​ ര​ക്ഷി​ച്ചു. സം​ഘ​ത്തി​ലെ മ​റ്റു ര​ണ്ട്​ പേ​രെ ര​ക്ഷി​ക്കാ​നാ​യി​ല്ല. ക​ഴി​ഞ്ഞ​ദി​വ​സം പെ​ര​മ്പ​ലൂ​ര്‍ കോ​ട്ട​റൈ ഡാ​മി​ലാ​ണ്​ സം​ഭ​വം. ക്രി​ക്ക​റ്റ്​ ക​ളി ക​ഴി​ഞ്ഞ്​ അ​ണ​ക്കെ​ട്ടി​ല്‍ കു​ളി​ക്കാ​നെ​ത്തി​യ യു​വാ​ക്ക​ളാ​ണ്​ അ​പ​ക​ട​ത്തി​ല്‍​പെ​ട്ട​ത്.

സി​റു​വെ​ച്ചൂ​ര്‍ ഗ്രാ​മ​ത്തി​ല്‍​നി​ന്നും കോ​ട്ട​റൈ​യി​ല്‍ ക​ളി​ക്കാ​നെ​ത്തി​യ സം​ഘ​ത്തി​ല്‍ മൊ​ത്തം 12 പേ​രാ​ണു​ണ്ടാ​യി​രു​ന്ന​ത്. ക​ന​ത്ത മ​ഴ​യെ തു​ട​ര്‍​ന്ന്​ ഡാ​മി​ലെ ജ​ലം ഇ​രു​പ​ത​ടി വ​രെ ഉ​യ​ര്‍​ന്നി​രു​ന്നു. തു​ണി​ക​ള്‍ അ​ല​ക്കി വീ​ട്ടി​ലേ​ക്ക്​ തി​രി​ക്കാ​നൊ​രു​ങ്ങ​വെ​യാ​ണ്​ സെ​ന്ത​മി​ഴ്​ ശെ​ല്‍​വി(38), മു​ത്ത​മ്മാ​ള്‍ (34), ആ​ന​ന്ദ​വ​ല്ലി (34) എ​ന്നി​വ​ര്‍ ചേ​ര്‍​ന്ന്​ യു​വാ​ക്ക​ളെ ര​ക്ഷി​ച്ച​ത്. കു​ളി​ക്കാ​നെ​ത്തി​യ സം​ഘ​ത്തോ​ട്​ ആ​ഴ​ക്കൂ​ടു​ത​ല്‍ സം​ബ​ന്ധി​ച്ച്‌​ ഇ​വ​ര്‍ മു​ന്ന​റി​യി​പ്പ്​ ന​ല്‍​കി​യി​രു​ന്നു.

നാ​ലു പേ​രും കാ​ല്‍​വ​ഴു​തി ഒ​ന്നി​നു​പി​റ​കെ ഒ​ന്നാ​യി ഡാ​മി​ലേ​ക്ക്​ വീ​ണു. ഇ​വ​രെ ര​ക്ഷി​ക്കാ​ന്‍ സ്​​ത്രീ​ക​ള്‍ ഉ​ടു​ത്തി​രു​ന്ന സാ​രി​ക​ള്‍ അ​ഴി​ച്ചു​മാ​റ്റി എ​റി​ഞ്ഞു​കൊ​ടു​ക്കു​ക​യാ​യി​രു​ന്നു. കാ​ര്‍​ത്തി​ക്, ശെ​ന്തി​ല്‍​വേ​ല​ന്‍ എ​ന്നി​വ​രാ​ണ്​ ര​ക്ഷ​പ്പെ​ട്ട​ത്. ഹൗ​സ്​ സ​ര്‍​ജ​നാ​യ ര​ഞ്​​ജി​ത് (25), പ​വി​ത്ര​ന്‍(17) എ​ന്നി​വ​രു​ടെ മൃ​ത​ദേ​ഹ​ങ്ങ​ള്‍ ക​ണ്ടെ​ത്തി. പെ​ര​മ്പ​ലൂ​രി​ല്‍​നി​ന്നെ​ത്തി​യ അ​ഗ്​​നി​ശ​മ​ന വി​ഭാ​ഗ​വും പൊ​ലീ​സും ചേ​ര്‍​ന്നാ​ണ്​ മൃ​ത​ദേ​ഹ​ങ്ങ​ള്‍ ക​ണ്ടെ​ടു​ത്ത​ത്.