ശ്രീജ.എസ്
ന്യൂഡല്ഹി: പാര്ലമെന്റ് മന്ദിരത്തില് തീപിടിത്തം. പാര്ലമെന്റ് അനക്സ് കെട്ടിടത്തിന്റെ ആറാം നിലയിലാണു തിങ്കളാഴ്ച രാവിലെ തീപിടിത്തമുണ്ടായത്.
അഗ്നിബാധ നിയന്ത്രണ വിധേയമാക്കിയതായി ഡല്ഹി ഫയര് സര്വീസ് ഡയറക്ടര് അതുല് ഗാര്ഗ് അറിയിച്ചു. ഏഴു ഫയര് എന്ജിനുകള് ചേര്ന്നാണു തീയയണച്ചത്. ഷോര്ട്ട് സര്ക്യൂട്ടാണു തീപിടിത്തതിനു കാരണമെന്നാണു പ്രാഥമിക നിഗമനം.
നാശനഷ്ടങ്ങള് സംബന്ധിച്ച് ഇതുവരെ വിവരങ്ങള് വെളിപ്പെടുത്തിയിട്ടില്ല. കോവിഡ് ലോക്ക്ഡൗണിനെ തുടര്ന്നു പാര്ലമെന്റിന്റെ ഇരു സഭകളും മാര്ച്ചിനുശേഷം ചേര്ന്നിട്ടില്ല.