സിന്ധുമോള് ആര്
ന്യൂഡല്ഹി: ഡല്ഹിയിലെ റസ്റ്റൊറന്റുകളിലും ഹോട്ടലുകളിലും മദ്യ വിതരണം ഉടന് ആരംഭിക്കും. ലൈസന്സുള്ള സ്ഥാപനങ്ങള്ക്കാണ് അനുമതി. എന്നാല് ബാറുകള് തുറക്കാനുള്ള അനുമതി ഉടന് ലഭിച്ചേക്കില്ല. കേന്ദ്ര ആഭ്യന്തര മന്ത്രാലയത്തിന്റെ നിര്ദേശങ്ങള് അനുസരിച്ചാണ് മദ്യം വിതരണം നടത്തുക. ഇതുമായി ബന്ധപ്പെട്ട നിര്ദേശങ്ങള് ഡല്ഹി സര്ക്കാര് എക്സൈസ് വകുപ്പിന് കൈമാറി.
ഡല്ഹിയില് റസ്റ്റൊറന്റുകള് ജൂണ് എട്ട് മുതല് നിബന്ധനകളോടെ തുറന്ന് പ്രവര്ത്തിക്കാനുള്ള അനുവാദം ലഭിച്ചിരുന്നു. ഡല്ഹി സര്ക്കാരിന്റെ നികുതി വരുമാനത്തിന്റെ വലിയൊരു പങ്കും മദ്യത്തിലൂടെയാണ് ലഭിക്കുന്നത്. കോവിഡ് പ്രതിസന്ധിയെ തുടര്ന്ന് ഈ വരുമാനത്തില് വലിയ നഷ്ടം സംഭവിച്ചിരുന്നു.