KeralaLatestThiruvananthapuram
ആനാട് ഗ്രാമപഞ്ചായത്തിൽ ചുള്ളിമാനൂർ ഗവ:എൽ.പി സ്കൂളിൽ നടന്ന കോവിഡ് റാപ്പിഡ് ടെസ്റ്റിൽ 6 പേർക്ക് പോസിറ്റീവ് സ്ഥിരീകരിച്ചു
നെടുമങ്ങാട്: ആനാട് ഗ്രാമപഞ്ചായത്തിൽ കോവിഡ്-19 രോഗം സ്ഥിതീകരിച്ചവരുമായി സമ്പർക്കത്തിലുണ്ടായിരുന്നവരുടെ റാപ്പിഡ് പരിശോധന ചുള്ളിമാനൂർ ഗവണ്മെന്റ് എൽ.പി.എസിൽ നടന്നു. 74 പേരുടെ റാപ്പിഡ് പരിശോധന നടന്നതിൽ 68 പേരുടെ ഫലം നെഗറ്റീവും 6 പേരുടെ ഫലം പോസിറ്റീവുമാണ്. ഇതിൽ 3 പേർ പനവൂർ പഞ്ചായത്ത് സ്വദേശികളും 3 പേർ ആനാട് പഞ്ചായത്ത് സ്വദേശികളുമാണ്. ദമ്പതികളായ രണ്ട് പൂങ്കാവനം സ്വദേശികൾക്കും 22 വയസുള്ള നാഗച്ചേരിയിലെ യുവാവിനുമാണ് ഇന്ന് ആനാട്’ ഗ്രാമ പഞ്ചായത്തിൽ കോവിഡ് സ്ഥിതീകരിച്ചത്. ഇവരെ ഹോസ്പിറ്റലിലേയ്ക്ക് മാറ്റി. അതോടൊപ്പം ഇവരുമായി ബന്ധപ്പെട്ട് സമ്പർക്കപ്പട്ടികയിലുള്ളവരുടെ റാപ്പിഡ് ടെസ്റ്റ് ബുധനാഴ്ച നടക്കും.