കോവിഡ് മരണം നാല് ലക്ഷം കടക്കുന്ന മൂന്നാമത് രാജ്യമായി ഇന്ത്യ

ന്യൂഡല്‍ഹി: കഴിഞ്ഞ 24 മണിക്കൂറിനിടെ 853 പേര്‍ കൂടി മരിച്ചതോടെ രാജ്യത്ത് ആകെ കോവിഡ് മരണം 4,00,312 ആയി. മരണസംഖ്യ നാല് ലക്ഷം കടക്കുന്ന മൂന്നാമത്തെ രാജ്യമാണ് ഇന്ത്യ. 6.05 ലക്ഷം മരണം സംഭവിച്ച യു.എസും 5.2 ലക്ഷം മരണം സംഭവിച്ച ബ്രസീലുമാണ് ഇന്ത്യക്ക് മുന്നിലുള്ളത്.46,617 പുതിയ കേസുകളും 59,384 രോഗമുക്തിയുമാണ് 24 മണിക്കൂറിനിടെയുണ്ടായത്. 12,868 കേസുകളുമായി കേരളം തന്നെയാണ് പ്രതിദിന രോഗികളുടെ പട്ടികയില്‍ മുന്നില്‍. മഹാരാഷ്ട്ര-9195, തമിഴ്‌നാട്-4481, ആന്ധ്ര പ്രദേശ് -3841, കര്‍ണാടക-3203 എന്നിങ്ങനെയാണ് രോഗികള്‍ കൂടുതലുള്ള മറ്റ് സംസ്ഥാനങ്ങള്‍. ഇന്നലത്തെ ആകെ രോഗികളുടെ 27 ശതമാനവും കേരളത്തിലാണ്.