സിന്ധുമോള് ആര്
ന്യൂഡല്ഹി : ഇന്ത്യന് കൗണ്സില് ഫോര് മെഡിക്കല് റിസര്ചുമായി ( ഐ.സി.എം.ആര്)ചേര്ന്ന് ഹൈദരാബാദ് ആസ്ഥാനമായുള്ള ഭാരത് ബയോടെക് തദ്ദേശീയമായി വികസിപ്പിച്ച കോവാക്സിന്റെ രണ്ടാംഘട്ട മനുഷ്യപരീക്ഷണത്തിന് കേന്ദ്ര സര്ക്കാര് അനുമതി നല്കി . 380 വളന്റിയര്മാരിലാണ് പരീക്ഷണം നടത്തുക .
വൈറസിനെ ചെറുക്കാന് രൂപപ്പെട്ട ആന്റിബോഡികളുടെ അളവും സ്വഭാവവും അറിയുന്നതിനു പരീക്ഷണത്തിനു വിധേയരാകുന്നവരുടെ രക്തസാമ്പിള് ശേഖരിച്ചു . ആദ്യഘട്ട പരീക്ഷണത്തില് പങ്കെടുത്തവരില് വിപരീതഫലമൊന്നും കാണപ്പെട്ടില്ലെന്നും വാക്സിന് സുരക്ഷിതമാണെന്നും റോഹ്തക്ക് പി.ജി.ഐയില് വാക്സിന് പരീക്ഷണത്തിനു നേതൃത്വം നല്കുന്ന പ്രിന്സിപ്പല് ഇന്വെസ്റ്റിഗേറ്റര് സവിതവര്മയും ഡല്ഹി എയിംസിലെ പ്രിന്സിപ്പല് ഇന്വെസ്റ്റിഗേറ്റര് സഞ്ജയ് റായും നേരത്തേ വ്യക്തമാക്കിയിരുന്നു.
രോഗികളുടെ സാമ്പിളുകളില്നിന്ന് ഐ.സി.എം.ആറിന്റെ പുണെ ദേശീയ വൈറോളജി ഇന്സ്റ്റിറ്റ്യൂട്ട് ശേഖരിച്ച കോവിഡ്-19 ന്റെ ജനിതകഘടകങ്ങള് ഉപയോഗിച്ചാണ് ഭാരത് ബയോടെക് ‘ബി.ബി.വി152 കോവിഡ് വാക്സിന്’ വികസിപ്പിച്ചത്. ഡല്ഹി എയിംസ്, പട്ന എയിംസ്, പി.ജി.ഐ റോഹ്തക്, ഗോവയിലെ റെഡ്കര് ഹോസ്പിറ്റല് തുടങ്ങി രാജ്യത്തെ 12 കേന്ദ്രങ്ങള്ക്കാണ് ‘ബി.ബി.വി152 കോവിഡ് വാക്സിന്’ മനുഷ്യപരീക്ഷണത്തിന് അനുമതി നല്കിയിട്ടുള്ളത് .ന്യൂഡല്ഹി : ഇന്ത്യന് കൗണ്സില് ഫോര് മെഡിക്കല് റിസര്ചുമായി ( ഐ.സി.എം.ആര്)ചേര്ന്ന് ഹൈദരാബാദ് ആസ്ഥാനമായുള്ള ഭാരത് ബയോടെക് തദ്ദേശീയമായി വികസിപ്പിച്ച കോവാക്സിന്റെ രണ്ടാംഘട്ട മനുഷ്യപരീക്ഷണത്തിന് കേന്ദ്ര സര്ക്കാര് അനുമതി നല്കി . 380 വളന്റിയര്മാരിലാണ് പരീക്ഷണം നടത്തുക .