നിയമസഭാ ഉപതെരഞ്ഞെടുപ്പുകള് വേണ്ടെന്നു വയ്ക്കാന് ധാരണയായി :മുഖ്യമന്ത്രി
ശ്രീജ.എസ്
തിരുവനന്തപുരം: കൊറോണ വ്യാപനം സംസ്ഥാനത്തു രൂക്ഷമായ സാഹചര്യത്തില് തദ്ദേശ സ്വയംഭരണ തെരഞ്ഞെടുപ്പ് നീട്ടിവയ്ക്കാനും ചവറ, കുട്ടനാട് നിയമസഭാ ഉപതെരഞ്ഞെടുപ്പുകള് വേണ്ടെന്നു വയ്ക്കാനും സര്വകക്ഷി യോഗത്തില് ധാരണയായെന്ന് മുഖ്യമന്ത്രി പിണറായി വിജയന്.
സാധാരണ ഏപ്രിലിലാണ് നിയമസഭ തെരഞ്ഞെടുപ്പ് നടക്കുന്നത്. അങ്ങനെയാണെങ്കില് 2021 മാര്ച്ച് 10ന് പെരുമാറ്റചട്ടം നിലവില് വരാനാണ് സാധ്യത. ഉപതെരഞ്ഞെടുപ്പ് നവംബര് പകുതിയോട നടന്നാല് മൂന്ന് പൂര്ണ മാസങ്ങള് മാത്രമാണ് തെരഞ്ഞെടുക്കപ്പെടുന്ന അംഗങ്ങള്ക്ക് പ്രവൃത്തിക്കാന് സാധിക്കുന്നത്. മണ്ഡലത്തില് കാര്യമായി പ്രവൃത്തിക്കാന് ഇവര്ക്ക് പറ്റില്ല.
കൊറോണ കണക്കിലെടുത്ത് ഉപതെഞ്ഞെടുപ്പ് ഉപേക്ഷിക്കണമെന്നാണ് എല്ലാ കക്ഷികളും ആവശ്യപ്പെട്ടത്. അതിനാല് ഉപതെരഞ്ഞെടുപ്പ് ഒഴിവാക്കാന് തെരഞ്ഞെടുപ്പ് കമ്മീഷനോട് അഭ്യര്ഥിക്കുമെന്നും അദ്ദേഹം പറഞ്ഞു.
തദ്ദേശ സ്വയംഭരണ തെരഞ്ഞെടുപ്പുകള് അടുത്തിരിക്കുകായണ്. 2020 നവംബര് 12ന് പുതിയ ഭരണ സമിതി അധികാരമേല്ക്കേണ്ടതുണ്ട്. ഇവ നിയമസഭ ഉപതെരഞ്ഞെടുപ്പുമായി താരതമ്യം ചെയ്യാന് സാധിക്കില്ലെന്നും മുഖ്യമന്ത്രി പറഞ്ഞു