ശ്രീജ.എസ്
സംസ്ഥാനത്തെ സാമ്പത്തിക പ്രതിസന്ധി കണക്കിലെടുത്ത് ചെലവ് ചുരുക്കുന്നതിനും വരുമാനം വര്ധിപ്പിക്കുന്നതിനും അടിയന്തര നടപടി സ്വീകരിച്ച് സംസ്ഥാന സര്ക്കാര്. ഒരു വര്ഷക്കാലത്തേക്ക് സര്ക്കാര് കെട്ടിടങ്ങളുടെ മോടിപിടിപ്പിക്കല്, സര്ക്കാര് സ്ഥാപനങ്ങളിലും ഓഫീസുകളിലും ഫര്ണിച്ചര് – വാഹനങ്ങള് എന്നിവ വാങ്ങാന് അനുവദിക്കില്ല.
അധ്യാപന സമയം ആഴ്ചയില് കുറഞ്ഞത് 16മണിക്കൂര് ഉണ്ടാകണം എന്ന മാനദണ്ഡത്തിലായിരിക്കും കോളേജ് അധ്യാപകരുടെ പുതിയ തസ്തിക സൃഷ്ടിക്കുന്നത്. ഒരു കുട്ടിയുടെ എണ്ണം കൂടിയാല് ഒരു അധിക തസ്തിക സൃഷ്ടിക്കുവാന് കഴിയുന്ന വ്യവസ്ഥകള് ബന്ധപ്പെട്ട ചട്ടങ്ങളില് നിന്ന് ഒഴിവാക്കും.
കേന്ദ്രാവിഷ്കൃത പദ്ധതികളുള്പ്പെടെ പല പദ്ധതികളും പ്രവര്ത്തനം അവസാനിപ്പിച്ചിട്ടും പദ്ധതികള്ക്കായി നിയമിച്ച ജീവനക്കാരെ ആവശ്യമുള്ള വകുപ്പുകളിലേക്കു വിന്യസിക്കും. ഔദ്യോഗിക ചര്ച്ചകള്, യോഗങ്ങള്, പരിശീലനങ്ങള്, ശില്പശാലകള്, സംവാദങ്ങള് തുടങ്ങിയ പരിപാടികളെല്ലാം പരമാവധി ഓണ്ലൈനായി നടത്തും. ചെലവു ചുരുക്കല് കൃത്യമായി നടപ്പാക്കുന്നുണ്ടോയെന്ന് ഉറപ്പ് വരുത്താന് ഓരോ വകുപ്പിലും കുറഞ്ഞത് ഒരു വര്ഷത്തെയെങ്കിലും സേവന പരിചയം ഉള്ള ഒരു ഉദ്യോഗസ്ഥനെ ചുമതലപ്പെടുത്താനും മന്ത്രിസഭ തീരുമാനിച്ചു.